Периметар

Периметар е растојанието околу дводимензионална геометриска фигура, мерење на растојание околу нешто.

Периметар или обем — вкупното растојание околу даден многуаголник или друга затворена дводимензионална фигура како круг или елипса или некоја нивна проста комбинација (без внатрешни „дупки“). Зборот периметар е со старогрчко потекло и значи „обиколна мерка“.

• Периметар се означува со буквата L.
• Физичка величина за периметар е должина, т.е. се мери со мерки како што се метри m, километри km, сантиметар cm, инчи, мили итн.

Формули

Периметар на ΔABC e: L=a+b+c

По правило, периметарот на многуаголник се пресметува со собирање на должините на сите страни на многуаголникот.

Триаголник	3 страни = a, b и c	$L=a+b+c$
Квадрат, Ромб	4 страна = a	$L=4a$
Правоаголник, Паралелограм, Делтоид	4 страни = a и b	$L=2(a+b)$
Трапез, Трапезоид	4 страни = a, b, c и d	$L=a+b+c+d$
Правилен многуаголник	n страни = a	$L=na$
Круг	радиус = R	$L=2R\pi$

Забелешка: периметар на круг, т.е. должина на кружица се вика и обем.

Практична примена

Периметарот и плоштината играат голема улога во денешниот свет и нивно пресметување се смета за неопходна вештина.

Пример: Периметарот на правоаголна површина со страни a=3m и b=5m е: $L=2(a+b)=2(3m+5m)=2\cdot 8m=16m$

Пример:		$L=3a+{\tfrac {1}{2}}(2r\pi )=3\cdot 4+2\pi \approx 18{,}28$
	Квадрат + полукруг

Поврзао

• Полупериметар
• Обем
• Должина
• Триаголник
• Многуаголник
• Квадрат
• Правоаголник
• Паралелограм

Надворешни врски

• Геогебра наредба: Периметар