Параклис „Св. Јован Богослов“ (Пресвета Богородица Мавровска)
Свети Јован Богослов (грчки: Αγίου Ιωάννη του Θεολόγου) — параклис во манстирот „Пресв. Богородица Мавровска“ кај градот Костур, Егејска Македонија. Влегува во состав на Костурската епархија на Цариградската патријаршија.[1]
| Свети Јован Богослов | |
|---|---|
| Αγίου Ιωάννη του Θεολόγου | |
 Параклисот и манастирската црква зад него | |
 | |
| 40°30′35.2″N 21°17′25.2″E / 40.509778° СГШ; 21.290333° ИГД | |
| Место | Костур |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Завршена | 1552 |
| Управа | |
| Архијерејско намесништво | Костурско |
| Епархија | Костурска |
Местоположба уреди
Параклисот е залепен за јужниот ѕид на главната манастирска црква. Самиот манастир се наоѓа на западниот брег на Костурскиот Полуостров.
Архитектура уреди
Ова е мал еднокорабен храм со дрвен покрив и влез од запад. Апсидата не излегува вон источниот ѕид. Неговиот северен ѕид е и јужен ѕид на манастирската црква, па затова и покривот е едноводен, кој влегува под косината на манастирската црква.[1]
Фрески уреди
Целата внатрешност на храмот, како и западната влезна фасада се насликани со фрески. Според надвлезниот натпис, храмот е подигнат во 1552 г. и живописан од зографот Евстатиос Јакову, протонотар на Арта. Во 1536/37 г. истиот мајстор ја живописал црквата на манстирот „Пресв. Богородица Депаличка“ во Епир. Параклисот е наполно насликан во три подрачја, и фреските се зачувани во релативно добра состојба.[1]
-
Влезот во параклисот -
Пресв. Богородица Поширока од небесата во апсидната конха -
Свети Сисој на западниот ѕид однадвор -
Исцелување на слепите
