Наочаресто грмушарче
| Наочаресто грмушарче | |
|---|---|
| |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Грмушари |
| Род: | Sylvia |
| Вид: | Наочаресто грмушарче |
| Научен назив | |
| Sylvia conspicillata (Temminck, 1820) | |
Наочарестото грмушарче (науч. Sylvia conspicillata) е мала врапчевидна птица од семејството грмушари (Sylvidae), родот грмушарчиња (Sylvia). Се размножува низ северозападна Африка, југозападна Европа од Пиринејскиот Полуостров до Италија, и понатаму на исток до источните средоземни острови и крајбрежниот регион. Ја има и во Македонија. Во Африка таа е постојан жител, но другите популации се преселници кои зимуваат во северна и западна Африка и во Египет. Оваа птица е редок скитник во северна и западна Европа.
Опис
уредиКај наочарестото грмушарче, како и кај другите грмушари е изразен половиот диморфизам. Долги се 12-13 см, мажјаците имаат сива глава со потемна дамка во близина на очите и бел прстен околу нив, одозгора се кафеави, а одоздола розовикави. Брадата, односно грлото им е бело. На крилјата имаат костенливи нијанси. Женките се побледи, целите се светлокафеави, немаат сиво или имаат сосема малку, а одоздола се белкави. Белиот прстен околу окото не им е изразен. Клунот е долг, малку свиен на врвот, одозгора сив, а долу кремав со сив врв. Нозете се сиви кај младенчињата, а портокаловокафеави кај возрасните. Младенчињата се како женките.
Поведение
уредиЖивеалиштето на оваа птица се отворените, суви предели со грмушки.
Се храни со инсекти, но и со бобинки и меко овошје.
Песната му е високо чрчорење.
Гнездото го прави скриено во грмушките и несе 3-6 јајца.
Наводи
уреди- ↑ BirdLife International (2012). „Sylvia conspicillata“. IUCN Red List. Version 2012.1. International Union for Conservation of Nature. Посетено на 16 July 2012.
- Álamo Tavío, Manuel (1975): Aves de Fuerteventura en peligro de extinción. In: Asociación Canaria para Defensa de la Naturaleza (ed.): Aves y plantas de Fuerteventura en peligro de extinción: 10-32. Las Palmas de Gran Canaria. PDF текст
- Helbig, A. J. (2001): Phylogeny and biogeography of the genus Sylvia. In: Shirihai, Hadoram: Sylvia warblers: 24-29. Princeton University Press, Princeton, N.J. ISBN 0-691-08833-0
- Jønsson, Knud A. and Fjeldså, Jon (2006): A phylogenetic supertree of oscine passerine birds (Aves: Passeri). Zool. Scripta 35(2): 149–186. doi:10.1111/j.1463-6409.2006.00221.x (HTML abstract)
Надворешни врски
уреди| „Наочаресто грмушарче“ на Ризницата ? |
| „Наочаресто грмушарче“ на Викивидовите ? |