Мијамото Мусаши

Мијамото Мусаши (јапонски: 宮本武蔵; 1584 — 13 јуни 1645) — јапонски ронин, кој се смета за еден од најпознатите мечувалци во јапонската историја. Неговите современици му го дале прекарот Кенсеи (јап. 剣聖, „Светиот Меч“). Мусаши станал познат по својата извонредна мечувачка способност, која ја усовршил уште од раното детство во многу борби користејќи дрвен меч. Тој е основач на училиштето Хјохо нитен ичи-рју или самурајската уметност на борба со два меча, Нито-рју (јап. 二刀流), Училиште на земјата и небото. Тој го вовел концептот на бокен како вистинско борбено оружје, а не за обука. Успешно ја користел техниката на борба со два меча, долг — катана и краток — вакизаши. Исто така, две години пред неговата смрт, откако се повлекол во пештера на планината Кимпо во близина на градот Кумамото, ја напишал „Книгата за петте прстени“ за тактиката, стратегијата и филозофијата на воениот занает, кој денес ужива одредена популарност.^[1]^[2]

Животопис

Раниот живот на Мијамото Мусаши не е многу јасен. Во својата книга „Книга за петте прстени“, Мусаши едноставно вели дека е роден во провинцијата Харима. Друга книга наречена „Нитен ки“, која зборува за животот на Мусаши, вели дека тој е роден во 1584 г. во Баншу за време на Годината на мајмунот. Историчарот Камико Тадаши, зборувајќи за списите на Мусаши, вели дека таткото на Мусаши, Мунисаи, живеел во селото Мијамото во областа Јошино. Значи, веројатно е дека Мусаши е роден таму.^[3]^[4]

Во „Книгата за петте прстени“, Мусаши се претставува со своето целосно име: Шинмен Мусаши-но-Ками Фуџивара но Харунобу. Неговиот татко, Шинмен Мунисаи, бил вешт во боречки вештини, особено мечување и џуте. Таткото на Мунисаи бил Хирата Шоген, кој служел под господарот Шинмен Ига но Ками во замокот Такајама. Хирата го користел името Шинмен поради неговата блиска врска со господарот Шинмен. „Мусаши“ била титула, што значи управител на провинцијата Мусаши. „Фуџивара“ била семејната лоза на Мусаши.^[5]^[4]

Според Го Рин Но Шо, Мусаши рекол дека неговиот прв двобој бил на 13 години против мечувалец по име Арима Кихеи, кој вежбал боречки вештини кашима шинто-рју создадени од Цукахара Бокуден. Мусаши победил. Неговиот втор двобој, на 16 години, бил против Тадашима Акијама од провинцијата Таџима, а Мусаши повторно победил. Неговиот трет двобој, на 21 година во Кјото, бил против учениците од една позната школа за мечување, а Мусаши излегол како победник.

Наводи

↑ Tokitsu, Kenji (1998). Miyamoto Musashi: 17th century Japanese saber master: man and work, myth and reality; Miyamoto Musashi : maître de sabre japonais du XVIIe siècle : l'homme et l'œuvre, mythe et réalité. Editions désiris. стр. 19, 20. ISBN 978-2907653541. OCLC 41259596.
↑ Miyamoto Musashi, trans.S. F. Kaufman (1994), Book Of Five Rings, Tuttle Publishing.
↑ Toyota, p. 239
↑ ^4,0 ^4,1 Miyamoto, p. 18ff.
↑ Musashi, Miyamoto (2018). Complete Musashi : the Definitive Translations of the Complete Writings of Miyamoto Musashi – JapanÆs Greatest Samurai. Alexander Bennett. La Vergne: Tuttle Publishing. ISBN 978-1-4629-2027-3. OCLC 1076236783.

Надворешни врски

[:0-1] Tokitsu, Kenji (1998). Miyamoto Musashi: 17th century Japanese saber master: man and work, myth and reality; Miyamoto Musashi : maître de sabre japonais du XVIIe siècle : l'homme et l'œuvre, mythe et réalité. Editions désiris. стр. 19, 20. ISBN 978-2907653541. OCLC 41259596.

[2] Miyamoto Musashi, trans.S. F. Kaufman (1994), Book Of Five Rings, Tuttle Publishing.

[3] Toyota, p. 239

[Miyamoto_p_18ff-4] 4,0 ^4,1 Miyamoto, p. 18ff.

[5] Musashi, Miyamoto (2018). Complete Musashi : the Definitive Translations of the Complete Writings of Miyamoto Musashi – JapanÆs Greatest Samurai. Alexander Bennett. La Vergne: Tuttle Publishing. ISBN 978-1-4629-2027-3. OCLC 1076236783.

[1]

[2]

[3]

[4]

[5]