Министерство за труд и социјална политика на Македонија
Министерството за труд и социјална политика, скратено МТСП, е едно од тековните 16 министерства во македонската Влада. Надлежностите на министерството се од кругот на работните односи, заштитата на работничките права, платите и животниот стандард, социјалната политика. Под надлежност на ова министерство е и заштита на борците од Антифашистичката војна и од сите национално ослободителни војни на Македонија, на воените инвалиди, на прогонуваните и затвораните за идеите на самобитноста на македонскиот народ и неговата државност.[2]
| Министерство за труд и социјална политика на Македонија | |
|---|---|
| Податоци за органот | |
| Основан | 1991 |
| Седиште | Ул. „Даме Груев“, бр. 14, Скопје |
| Вработени | 323[1] (2017) |
| Надлежен министер | Ѓоко Велковски |
| Мрежно место | |
| mtsp.gov.mk | |
Ова министерство било создадено со осамостојувањето на Република Македонија во 1991 година. Пред тоа, во Извршниот совет на Собранието на СР Македонија од 1986 година работеле Републички комитет за труд на чело со Тито Беличанец и за здравство и социјална политика на чело со Милован Шиковски. Првиот министер за труд и социјална политика во независна Македонија бил Илјас Сабриу од албанската политичка партија ПДП. На чело на министерството во моментов е дополнителната министерка Санела Шркијељ. На функцијата министер во техничката влада на Оливер Спасовски беше ставена Рашела Мизрахи, меѓутоа Собранието ја разреши по 12 денови поради прекршување на Уставот.[3]
Наводи уреди
- ↑ „Извештај за следењето на примената на начелото на соодветна и правична застапеност за 2017 година“ (PDF). Народен правобранител на Република Македонија. јуни 2018. Архивирано од изворникот (PDF) на 2019-04-18. Посетено на 2019-06-09.
- ↑ „МТСП“. Влада на Република Северна Македонија. Архивирано од изворникот на 8 март 2020.
- ↑ „Собранието ја разреши Рашела Мизрахи“. Радио Слободна Европа на македонски јазик. 15 февруари 2020. Посетено на 15 февруари 2020.
Надворешни врски уреди
 | Оваа статија поврзана со Македонија е никулец. Можете да помогнете со тоа што ќе ја проширите. |