Мегидо

Мегидо
светско наследство на УНЕСКО
Службен назив	Мегидо
Место	Близу кибуцот Мегидо, Израел
Критериум	Културно наследство: ii, iii, iv, vi
Запис	2005 (29. заседание)
Површина	1.605, 29.085 ха (172.800.000, 3,1307×109 sq ft)

Градот Мегидо (Израел) ( хебрејски: מגידו‎; арап. المجیدو; грчки: Μεγιδδώ/Μαγεδδών) е антички град кој бил населен во периодот од 7000 пр.н.е. донекаде 500 пр.н.е. Бил сместен на работ на Израелската Рамнина. Блиската планина Мегидо (хебрејски Хар) го дала името на Армагедонот, што се споменува во Библијата. Денес од него се останати урнатини во 26 одделни слоеви, на рид во близина на кибуцот Мегидо во Израел. ^[1]

Мегидо се наоѓал на стратешка положба на западниот раб на израелската рамнина, на влезот на единствениот премин низ планинскиот венец Кармел, преку кој патот водел од Египет кон Асирија. Блиската планина Мегидо му го дала името на Армагедон, кое се споменува во Новиот завет, што е грчко име за хебрејскиот израз Хар Мегиддо, т.е. „Градина Мегидо“.^[2]

Во 2005 година, Мегидо, заедно со градовите Хазор и Тел Беер Шева, бил запишан на Списокот на светско наследство на УНЕСКО во Азија и Австралија.

Историја на Мегидо

Мегидо била важна град-држава на раскрсницата на неколку древни патишта кои ги поврзувле Египет и Асирија, поради што владетелите на Блискиот Исток често војувале со Египет. Неколку битки се имаат случено на Мегидо:

Битка кај Мегидо (1469 година пр.н.е.) помеѓу египетскиот фараон Тутомос III и коалицијата на Ханаанците составена од владетелите на Мегидо и Кадеш.
Битка кај Мегидо (609 пр.н.е.) помеѓу Египет и Јудејското Царство во кое бил убиен царот Јосија.
Битка кај Мегидо (1918), за време на Првата светска војна, меѓу Сојузниците и турската војска.

Исто така се споменува во Стариот завет под еврејско име דרך הים („Патот до морето“), а за време на Римското Царство бил важен дел од истоимениот воен пат Виа Марис.

Во Новиот завет се споменува во книгата Откровение (Апокалипса), во која се наведени идните настани од големата битка на ридот кај Мегидо, т.е. Армагедон, па така ова име станало синоним за крајот на светот.

Мегидо е ненаселен од 586 година, кога Вавилонците го уништиле Соломоновиот храм во Ерусалим и ги одвеле Евреите во вавилонско ропство. Како резултат, зградите на археолошкиот локалитет се останати точно како што биле тогаш, ненарушени со понатамошната изградба.

Денес, Мегидо е израелски национален парк и важен крстопат на главниот пат што го поврзува централниот Израел со Галилеја и северните покраини.