Марија Тереза Рафаела Шпанска

Марија Тереза Рафаела Шпанска (Марија Тереза Антонија Рафаела; 11 јуни 1726 – 22 јули 1746) била Инфанта на Шпанија по раѓање и Делфина на Франција со бракот со Луј, Делфин (престолонаследник) на Франција, син на Луј XV Француски. Починала на 20-годишна возраст, три дена откако родила ќерка која починала во 1748 година.

Марија Тереза Рафаела
Делфина на Франција

Maria Teresa Rafaela of Spain by Jacopo Amigoni.jpg
Портрет од Јакопо Амигони
На престол 23 февруари 1745 – 22 јули1746
Сопружник Луј, Делфин на Франција
(во брак во 1744 година)
Деца
Мари Терез, Мадам Ројал
Полно име
шпански: María Teresa Antonia Rafaela de Borbón y Farnesio
француски: Marie-Thérèse Antoinette Raphaëlle de Bourbon
Династија Бурбонци
Татко Филип V Шпански
Мајка Елизабета Фарнезе
Роден(а) 11 јуни 1726
Кралски мадридски дворец, Шпанија
Починал(а) 22 јули 1746(1746-07-22) (возр. 20)
Версајски дворец, Франција
Почивалиште 6 август 1746
Кралска базилика Сен Дени, Франција
Потпис

Инфанта на ШпанијаУреди

Родена во Кралскиот мадридски дворец во Шпанија, таа била втора ќерка на кралот Филип V Шпански и принцезата Елизабета Фарнезе. Крстената Марија Тереза Антонија Рафаела, таа била „Инфанта на Шпанија“ (infanta de España) по раѓање и доби стил на обраќање на „Кралско височество“. Таа била позната како Марија Тереза Рафаела, иако понекогаш била само Марија Тереза.

 
Портрет на Марија Тереза Рафаела во околу 1745 година од Даниел Клајн помладиот

Пред нејзиниот брак, шпанскиот и францускиот кралски двор биле во лоши односи: Шпанците биле многу навредувани од Французите во 1725 година кога била свршувачката меѓу Луј XV Француски и Инфантата Маријана Викторија Шпанска, постарата сестра на Марија Тереза, била раскината. Луј XV наместо тоа се оженил со Марија Лешчинска и преку неа таткосувал на Делфинот Луј. Бракот помеѓу Инфантата Марија Тереза Рафаела и Делфинот бил објавен во август 1739 година по бракот на принцезата Луиза Елизабет Француска (сестра на делфинот) и Инфантот Фелипе Шпански (брат на Марија Тереза Рафаела) истиот месец. Под влијание на нејзината мајка Елизабета Фарнезе, Марија Тереза Рафаела не требала да оди во Франција се додека не достигне позрела возраст.[1]

Делфина на ФранцијаУреди

Инфанта била омажена за делфинот преку посреднички брак во Мадрид на 18 декември 1744 година и ја напуштила Шпанија во јануари 1745 година. Таа пристигнала во Версај на 21 февруари 1745 година. Официјалниот брак бил одржан во Версајскиот дворец на 23 февруари 1745 година и го извршил Кардиналот Роан. Во Франција била позната како Мари Терез Рафаел Шпанска или Бурбонска. Бракот имал за цел да ги подобри односите помеѓу збратимените судови на Франција и Шпанија; за време на младештвото на Луј XV, тој бил свршен со Марија Ана Викторија Шпанска, најстарата ќерка на Филип V Шпански. Свршувачката била прекината, а односите меѓу двете земји биле студени. Овој најнов сојуз требал да ги подобри врските меѓу двата дворци. Обраќана како „Мадам ла Дофин“ (Делфинска госпоѓа) во Версај, Марија Тереза Рафаела била највисоко рангирана жена во Кралството по Кралицата Марија. Таа била првата Делфина по смртта на Мари Аделајде Савојска во 1712 година. На 24 февруари бил одржан „Балот на исечениот тис“ во чест на младенците. Настанот го означил и доаѓањето на Мадам де Помпадур во Версај. На балот присуствувале кралот, кралицата, Мадам Анриет, Мадам Аделаид; Војвотката на Шартр, Принцезата на Конти и Војвотката на Модена заедно со другите крвносродни принцези.

 
Инфантата Марија Тереза Рафаела Шпанска, идната Делфина на Франција од Луј Мишел Ван Ло (Версајски дворец)

Бракот не започнал со добар почеток бидејќи не бил завршен со првата брачна вечер. Ова бил голем срам за младата делфина и како резултат на тоа била нарушена нејзината положба во дворот. И покрај тоа, таа имала добри односи со кралот и кралицата, а нејзиниот сопруг брзо се вљубил во неа. Иако делфината била опишан како убава, достоинствена, побожна и добро образована, биле направени негативни забелешки поради нејзината црвена коса. Нејзината срамежлива природа дополнително ја изолирало од дворот и таа била отворено непријателски кон кралот за неговата афера со Мадам де Помпадур. Делфинот и Делфината не ја сакале кралската љубовница за начинот на кој му го одвлекла вниманието од кралицата Марија Лешчинска.[2] Конечно, бракот бил завршен со првата брачна ноќ во септември 1745 година, завршувајќи ги дворските озборувања. Двојката станала многу блиска и посветена едни на други поминувајќи го поголемиот дел од своето време заедно. На 19 јули 1746 година во Версај, Марија Тереза Рафаела родила ќерка. Нејзината смрт на 22 јули предизвикала силна тага кај Делфинот, кој опстојувала и во неговиот втор брак. Луј XV морал физички да го одвлече неговиот син од смртната постела на неговата сопруга. Да бидат работите уште полоши, таткото-крал на Делфината, Филип V Шпански, починал само 13 дена пред неа на 9 јули.[3] Детето било крстено Мари Терез и било наречено Мадам Ројал, но починало во Версај во 1748 година.[4]

Мари Тереза Рафаел била погребана во Кралската базилика Сен Дени, француската кралска некропола надвор од Париз на 6 август 1746 година. При нејзината смрт, нејзиниот полубрат Ферданандо VI Шпански, предложил Делфинот да се ожени со нејзината сестра Инфантата Марија Антонија Фернанда, но Луј XV одбил.[5] Следната година, нејзиниот сопруг повторно се оженил со Принцезата Марија Јозефа Саксонска, ќерка на Август III Полски и Марија Јозефа Австриска, од која имал околу седум деца, вклучувајќи го и идниот Луј XVI. Кога Делфинот починал во 1765 година, тој побарал неговото срце да биде поставено покрај гробот на Марија Тереза Рафаела. [ потребно е цитирање ]

ДецаУреди

  1. Принцезата Мари Терез Француска (19 јули 1746 – 27 април 1748).

НаводиУреди

  1. Armstrong, стр. 343
  2. Mitford, стр. 45
  3. Mitford, стр. 80
  4. Emmanuel, стр. 101
  5. Emmanuel, стр. 124

БиблиографијаУреди

  • Армстронг. Едвард: Elisabeth Farnese: The Termagant of Spain, Лондон, 1892 година
  • Брогли. Емануел де: Le fils de Louis XV, Louis, dauphin de France, 1729-1765, E. Plon, 1877 година
  • Митфорд. Ненси: Madame de Pompadour, Sphere, Лондон, 1964 година

Надворешни врскиУреди