Лесогорски

Лесогорски ( руски: Лесогорский), до 1948 година Јаски ( рус руски: Яски; фински: Jääski; шведски: Jäskis) е населено место со административен статус на мало гратче ( руски: посёлок городского типа) на северозапад на европскиот дел на Руската Федерација. Сместено е на крајниот северозапад на Ленинградската област и административно припаѓа на Виборшкиот реон .

Куќа во Лесогорски на брегот на Вуокса

Според проценките на Националната статистичка служба за 2015 година во градот живееле 3 302 жители.

Има статус на населба од урбан тип, односно за мало гратче носи од 1940 година.

Географија

Градот Лесогорски се наоѓа на северозапад на Карелијска превлака, на левиот брег на реката Вуокса, недалеку од меѓународната граница меѓу Русија и Финска. Гратчето се наоѓа на околу 185 километри северозападно од Санкт Петербург .

Историја

Поглед на гратчето од почетокот на минатиот век

Во пишани извори, населбата прво се споменува во текстот на Ореховскиот мир од 1323 година и според чии одредби некои територии во Новгородската територија биле предадени под управа на Швеѓаните (меѓу нив и месноста Јаски). Останала во границите на шведската држава сè до Руско-шведската војна од 1741-1743 година кога станала дел од Руската Империја. Во периодот од 1918 година до 1940 година населбата се наоѓала во границите на Финска .

По враќањето во Советскиот Сојуз во 1940 година, поранешното село Јаски доби административен статус на урбана населба во ранг на мало гратче, сè до 1960 година има функција на регионален центар. Откако Лесогорскиот регион беше распуштен во 1960 година, градот Лесогорск административно потпаѓа под администрација на Виборшкиот реон. Сегашното име го носи од 1948 година.

Демографија

Според податоците од пописот во 2010 година во градот живееле 3 273 жители, додека според проценките на Националната статистичка служба за 2015 година градот имал 3 302 жители.

Движење на бројот на жителите

1939 година	1959 година	1970 година	1979 година	1989 година	2002 година	2010 година	2015 година
---	5 330	4 938	4 798	3 744	3 004	3 273	3 302

Економија

Индустрија

Во Лесогорски постои фабрика за производство на пластика и влакна. Има електроцентрала на Вуокса.

Транспорт

Лесогорски е поврзан железнички со Каменогорск, каде што има врска со старата пруга Виборг - Јоенсу. Има сообраќај во приградската област до Виборг. Продолжувањето на железничката пруга преку Светогорск до државната граница е неупотребено.

Лесогорски е поврзан со патишта со Каменогорск и Виборг, како и со Иматра преку границата преку Светогорск

Поврзано

• Ленинградски регион
• Виборшки реон
• Карелијанска превлака
• Вуокса

Надворешни врски

• [1]