Лерински археолошки музеј

археолошки музеј во Лерин, Егејска Македонија

Лерински археолошки музеј (грчки: Αρχαιολογικό Μουσείο Φλώρινας) — музеј на археологијата на Леринско и големопреспанскиот крај во градот Лерин, Егејска Македонија.[1][2]

Лерински археолошки музеј
Αρχαιολογικό Μουσείο Φλώρινας
Macedonian Museums-11-Arx Florinas-49.jpg
Музејската зграда
Основан1969
МестоЖелезнички плоштад („Сидиродромикос Статмос“)
Лерин, Егејска Македонија
Координати40°46′51″ СГШ; 21°24′50″ ИГД / 40.7808° СГШ; 21.4138° ИГД / 40.7808; 21.4138Координати: 40°46′51″ СГШ; 21°24′50″ ИГД / 40.7808° СГШ; 21.4138° ИГД / 40.7808; 21.4138
Типархеолошки

ИсторијаУреди

Музејот е сместен во двокатна зграда на Железничкиот плоштад, изградена во 1969 г. чија внатрешност е обновена во 1999 г. Во збирката има предмети од праисторијата, древномакедонско, римско и средновековно/византиско време. Во приземјето се праисториските поставки, претежно од ископувањата направени во 1997–98 г. во с. Арменово, но и од други места. Изложенио се керамички садови, секојдневни предмети, градежни материјали, камени и коскени сечила, алки од вретена и фигурини. Впечатлива е вилицата на мамут стар 200-500.000 години, откриена во с. Сотир. На приземјето се и надгробните стели од римско време од с. Баница (II - III век), Петерско (II век п.н.е.), Росен (III век), Високуќи (Виткуќ, денес во Албанија, 320 г. п.н.е.), статуи от Баница (машко торзо) и Елевиш (статуа на Артемида) и исклучителен поден мозаик од римска куќа кај Долно Клештино.[2]

На првиот кат се изложени древномакедонски наоди од Петерско и Пателе — сончев часовник, статуа на Артемида, земјоделски сечила и реконструкција на древномакедонска куќа со ѕидаријата, огништето, оставите и др.[2]

Застапени се и артефакти од византискиот и поствизантискиот период од Преспа, претежно од царската базилика „Св. Ахил“ на истоимениот остров (капители, проповедници, столбови), фрески од различни цркви, дел од резбана проповедница од „Св. Преображение“ во с. Кондороби и царските двери од црквата „Св. Атанас“ во Герман (XVI век).[2]

НаводиУреди

  1. Λιλιμπάκη-Ακαμάτη, Μ. „Αρχαιολογικό Μουσείο Φλώρινας“. Δικτυακή Πύλη Υπουργείου Μακεδονίας - Θράκης. конс. 15 јуни 2015. 
  2. 2,0 2,1 2,2 2,3 „Archaeological and Byzantine Museum of Florina“. Museums of Macedonia. конс. 15 јуни 2015. 

Надворешни врскиУреди