Куќа на Чаулеви

Куќа на Чаулеви
Куќа на Чаулеви
	Куќата во 2021 година
Општи податоци
Статус	споменик на културата
Вид	куќа
Стил	староградски
Адреса	ул. „Цар Самоил“ бр. 40; ул. „Цар Самоил“ бр. 44 (стара адреса)
Град	Охрид
Земја	Македонија
Завршена	XVIII век
Технички податоци
Катови	4

Куќа на Чаулеви — стара куќа во градот Охрид прогласена за значајно културно наследство на Македонија^[1] заведена под називот Куќа на ул. „Цар Самоил“ бр. 44.^[2]

Историја

Куќата е сместена во стариот дек на градот, на улица „Цар Самоил“ бр. 44. Изградена е во втората половина на XVIII век и се вбројува меѓу малкуте целосно внатрешно и надворешно зачувани охридски староградски куќи од тој период. Била сопственост на Паско Чауле (Рауник).^[1] Од почетокот на XXI век служи како гостинска куќа, наречена „Вила Јован“.

Архитектура

Градбата има четири ката. Начинот на изградба е традиционален, својствен на тој период — камено приземје и катови со дрвена бондручна конструкција. Вториот кат е еркерно издаден, потпрен со дрвени косници, исправајќи го неправилниот облик на приземјето и зголемувајќи го животниот простор. Куќата е добар пример за извлекување максимална просторна средина од дадена основа.^[1]

Покривот има карактеристични благи падови од дрвена конструкција, со покривка од турски ќерамиди. Фасадата е бела, со својствени дрвени опшивни даски. На прозорците на приземјето има решетки, столаријата е доста сиромашна. Куќата претрпела мошне малку промени — приземјето од чевларска работилница е пренаменето во кујна со трпезарија, со доградено скалиште за горниот кат.^[1]

Галерија

Куќа на Чаулеви (втора десно) во 2013 година. Првата е на Ламбески, а лево е на Рилковци
Предниот дел на куќата во 2021 година
Приземјето во 2021 година

Поврзано

Наводи

↑ ^1,0 ^1,1 ^1,2 ^1,3 Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј – Охрид. стр. 33.
↑ „Национален регистар на објекти кои се заштитно културно наследство“. Министерство за култура. 2012. Архивирано од изворникот 2021-08-09. Посетено на 4 август 2022.

Надворешни врски

Куќа на Чаулеви на Ризницата ^?

[Ст_33-1] 1,0 ^1,1 ^1,2 ^1,3 Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј – Охрид. стр. 33.

[:1-2] „Национален регистар на објекти кои се заштитно културно наследство“. Министерство за култура. 2012. Архивирано од изворникот 2021-08-09. Посетено на 4 август 2022.

[1]

[2]