Еркер

Еркер (германски: Erker) — поим кој во Македонија се однесува на волумен од објектот кој виси односно е издаден над улицата или дворот. Најчесто е централно позициониран, меѓутоа може да биде и бочно или на аголот од објектот.

Во македонската традиционална архитектура појавата на еркери одн. испусти на првиот кат од куќите најчесто произлегува како одговор на органската уличната мрежа, која на стрмен терен логично се протега долж изохипсите од теренот. Ќуќите во приземјето го следат правецот и формата на улицата, па така просториите во приземје имаат неправилна форма, меѓутоа на катот со еркерите се постигнува правоаголна форма и поголема површина на собите, како и подобри погледи кон улицата или дворот.

Еркерот може да се изведе на повеќе начини. Кај традиционалната македонска архитектура се изведува со конзолно испуштање на таванските греди од приземјето или катот. Зависно од должината, гредите може да бидат или да не бидат потпрени со косници. Овие пак од своја страна може да бидат видливи или обложени со штички па малтерисани. Во современите начини на градба, еркерот може да биде изведен со конзолно испуштање на армиранобетонски греди и плочи.

Поврзано

Надворешни врски

Еркерот како традиционален изразен елемент во селската архитектура во Македонија, Петар Намичев, 1993 г.

Оваа статија поврзана со архитектурата е никулец. Можете да помогнете со тоа што ќе ја проширите.