Круша (Средно Нерези)

Круша — археолошко наоѓалиште во скопската населба Средно Нерези, Општина Карпош. Сочинето е од населба од бронзеното време и некропола од железното и римското време.

Во подножјето на една височинка, при изведување на градежни работи — пробивање на пат до скривниците, е откриена населба од бронзеното време. На истиот наврат е пронајдена и некропола со гробови од железното и римското време. Во 1994 г. Музејот на Град Скопје извршил интервентни археолошки ископувања при што се откриени јами, гроб - питос со слободно погребување и гробови со етажна конструкција.

Поврзано

• Градиште — градиште во Средно Нерези од раноантичко време
• Список на археолошки наоѓалишта во Скопје