Климент Шапкарев
Климент Шапкарев — македонски револуционер, учесник во македонското и одринското револуционерно движење, член и војвода на Македонската револуционерна организација.
| Климент Шапкарев | ||
| ||
| Роден | 30 јануари 1875 Охрид, Македонија | |
|---|---|---|
| Починал | 12 септември 1949 (возр. 74) Битола, Македонија | |
Животопис
уредиКлимент Шапкарев е роден во 1875 година во Охрид. Тој е син на истакнатиот етнограф и фолклорист Кузман Шапкарев. Учи во Солунската машка гимназија „Св. Кирил и Методиј“ и се зачленува во тајниот револуционерен кружок, заедно со Гоце Делчев и Петар Васков.
По завршувањето на гимназијата во 1892 година изучува биологија и хемија при Софискиот универзитет. Во 1897 година е делегат од Самоковското друштво на четвртиот македонски конгрес. Завршува во 1898 година и станува учител во Самоков, а истовремено ја извршува должноста пунктовен началник на Македонската револуционерна организација, организира транспорт на луѓе и оружје преку границата во Османлиското Царство.
Во 1904-1905 година е учител во Одринската бугарска (егзархиска )гимназија "Д-р Петар Берон" и секретар на Одринскиот окружен комитет. Делегат е на Рилскиот и Ќустендилскиот конгрес.
Пред почетокот на Првата балканска војна и заминува од Одрин за Бугарија каде се запишува како волонтер во 52-от пешадиски полк на бугарската армија, со кој се бори кај Одрин. За пројавената храброст е награден со крст. Во Втората балканска војна е во штабот на Македонско-одринското ополчение. За време на Првата светска војна е во Велес како член на цензурата комисија. По завршувањето на војната, предава 20 години во земјоделското училиште во Садово.
Во пролетта 1941 година се населува во Битола, каде што исто така, предава во земјоделско училиште. Таму умира во 1949 година.
Климент Шапкарев е автор на брошурата „Спомени и мисли за Гоце Делчев“ [1].
Сопруга на Климент Шапкарев е Амалија Примџанова, која заедно со Славка Чакарова-Пушкарова од Струга, Љуба Кљапева од Велес и Јанка Каневчева од Охрид е член на револуционерна женска група. Неговиот син е бугарскиот економист и претседател на Македонскиот научен институт Петар Шапкарев [2].
Книги од Климент Шапкарев
уреди- "Спомени и мисли за Гоце Делчев", Пловдив, 1934 година