Климент Хераклејски
Епископ Климент (световно име Горан Божиновски; Скопје, 20 февруари 1972) — викарен епископ на Преспанско-пелагониската епархија[1], со титула Хераклејски.
  | |
|---|---|
| Викарен епископ | |
| Црква | МПЦ-ОА |
| Епархија | Преспанско-пелагониска епархија |
| Ракоположен | 12 јули 2005 |
| Службата завршила | во служба |
| Лични податоци | |
| Роден | 20 февруари 1972 Скопје, Македонија |
| Вероисповед | православие |
| Занимање | Викарен епископ на МПЦ-ОА |
Животопис уреди
По завршувањето на средното економско училиште се запишува на студии по книжевност на скопскиот универзитет, и како вонреден студент на Теолошкиот факултет на кој и дипломира. На Света Гора заминува во 1993 година во Григоријатскиот манастир, каде што е замонашен со име Климент.
Две години подоцна, со благослов на митрополитот Петар се враќа во Македонија, вклучувајќи се во процесот на возобновување на монаштвото во македонските манастири. Првите пет години ги поминува во манастирот Водоча, крај Струмица.
Свештеноѓакон станува во Романија во 1995 година, во резиденцијалниот манастир на романскиот епископ Калиник, докажан пријател на Македонската православна црква.
За свештеномонах е ракоположен од митрополитот Петар во 1996 година, а од митрополитот Наум е произведен во игумен и архимандрит истата година. Духовен отец е на братството на манастирот Свето Преображение во Зрзе од 1997 година, на сестринството од манастирот Светиот Архангел Михаил во Варош, а од мај 2004 година е в.д. старешина на манастиротТрескавец.
Во 2005 година се запишал на постдипломски студии на Филозофскиот факултет во Скопје, на Катедрата за класични студии[2].
На 11 јули 2005 година, во соборниот храм на Преспанско-пелагониска епархија „Свети Димитриј“ во Битола се одржало наречение со кое се објавила хиротонијата на идниот викарен епископ Хераклејски, г. Климент[3].
На 12 јули 2005 година, во Црквата „Св. Димитриј“ - Битола е хиротонисан за викарен епископ на Преспанско-пелагониската епархија односно на Митрополитот Петар.[4]
Наводи уреди
- ↑ Историски осврт Архивирано на 2 октомври 2017 г. на семрежното место на Преспанско-пелагониската епархија
- ↑ „архивски примерок“. Архивирано од изворникот на 2016-09-21. Посетено на 2014-06-25.
- ↑ Наречение на новоизбраниот викарен Епископ Хераклејски на семрежното место на МПЦ
- ↑ Нова хиротонија за епископ на семрежното место на МПЦ