Кирил Муратовски

Кирил Муратовски (роден на 14 март 1930 година во Галичник - починал на 21 јули 2005 година во Скопје) — македонски архитект.

Кирил Муратовски
Роден	14 март 1930 Галичник, Кралство Југославија
Починал	21 јули 2005 Скопје, Македонија
Националност	Македонец
Занимање	архитект

Животопис

Дипломирал на Архитектонскиот отсек при Техничкиот факултет во Скопје во 1957 година. Како проектант работел во проектантското претпријатие „Проектант“ и во „Македонијапроект“ во Скопје. Освен станбени објекти, проектирал и реализирал и општествени, административни и деловни згради. Се занимавал и со публицистичка дејност. Позначајни реализирани објекти: Стоковна куќа во Кавадарци (1965); Конзулат на Р Франција во Скопје (1966); Градски плоштад во Тетово (1967); комплекс на Музеи на Македонија во Скопје (со М. Томиќ); деловна зграда на ЗОИЛ „Македонија“ во Скопје (1977, со М. Сидоски).