Капетан Америка: Првиот одмаздник

Капетан Америка: Првиот одмаздник (англиски: Captain America - The First Avenger) —- американски филм од 2011 година, во режија на Џо Џонстон. Главните улоги во филмот ги толкуваат: Крис Еванс, Себастијан Стен, Томи Ли Џонс и Хуго Вивинг. Продукцијата на филмот започна во јуни 2010 година, а снимањето се одржа во Лондон, Манчестер, Кервент и Ливерпул во Обединетото Кралство, и Лос Анџелес во САД. Филмот беше претворен во 3D во пост-продукција. Премијата на филмот беше прикажана во Холивуд на 19 јули 2011 година и беше објавен во САД на 22 јули 2011 година. Филмот беше комерцијално успешен, заработи над 370 милиони долари ширум светот и доби позитивни критики, беше пофален временскиот период од 1940-тите и правецот на Џонстон, иако некои сметаа дека филмот не служи за друга цел освен да се постави претстојниот филм Одмаздници (2012). Продолжение насловено како Капетан Америка: Зимски војник беше објавено на 4 април 2014 година, а третиот филм со насловен Капетан Америка: Граѓанска војна беше издаден на 6 мај 2016 година.

„Капетан Америка: Првиот одмаздник“
Режисер	Џо Џонстон
Продуцент	Кевин Фејџ
Главни улоги	Крис Еванс Томи Ли Џонс Хуго Вивинг Хејли Атвел Себастијан Стен Доминик Купер Нил МекДонах Дерек Лук Стенли Туки
Музика	Алан Силвестри
Кинематографија	Шели Џонсон
Монтажа	Џефри Форд Роберт Далва
Студио	Marvel Studios
Дистрибутер	Paramount Pictures
Премиера	јули 19 2011 (2011-07-19) (Ел Капитан театар) јули 22 2011 (2011-07-22) (САД)
Времетраење	124 минути
Земја	САД
Јазик	англиски
Буџет	$140–217 милиони
Бруто заработка	$370.6 милиони

Содржина

Стив Раџерс е младо момче кое сака да влезе во американската војска за време на Втората светска војна и е одбиен повеќепати поради неговото лошо здравје и лоша кондиција. Стив е истакнат патриот, бидејќи тој сака само да му служи на својата држава. Еден ден, се сретнува со еден доктор, Абрахам Ерскин, кој му дава можност да влезе во американската војска и Стив ја прифаќа ова можност. Стив работи под полковникот Филипс и агентката Пеги Картер. Стив не има баш добро време во војската бидејќи тој е послаб и побавен од другите, затоа постојано е исмеван и командантите постојано му викаат да се вклучи. Ама сепак докторот Абрахам има верба во Стив и набрзо му ги скратува маките со тоа што ќе му даде можност да учествува во еден проект каде ќе може да стане супер-војник и супер-херој. Докторот исто така му дава совет на Стив да остане да биде тоа што е - добар човек, и дека не е важно каков е однадвор. Ерскин го претвора Стив во супер-војник, со помош на Ховард Старк. Овој експеримент го прави Стив посилен, повисок и мускулест. Ама тогаш доаѓа еден атентатор, Хајнц Кругер, испратен од страна на нацистичкиот офицер Јохан Шмит. Јохан Шмит е водач на нацистичката дивизија Хидра и го поседува Тесерактот откако го украл од едно гратче во Норвешка. Хајнц успева да го убие Ерскин. Стив е и побрз и континуирано го брка атентаторот, ама кога успева да го фати, атентаторот извршува самоубиство за да избегне да му даде какви било информации на Стив. Формулата на покојниот доктор Абрахам Ерскин е изгубена, а цела држава го знае Стив како Капетан Америка. Стив се промовира со нови униформа и шлем каде има американски бои на разни настани. Стив дознава дека неговиот добар пријател, наредникот Џејмс Барнс, исчезна заедно со другите војници за време на борба против војските на Химдт. Тој не верува дека неговиот пријател Џејмс е мртов, па затоа ги ангажира Пеги и инженерот Ховард Старк да го превезаат зад непријателски линии за да се обиде да го спаси својот пријател. Тој напаѓа една база на нацистичката дивизија Хидра, успевајќи да го спаси Барнс и други затвореници. Таму се сретнува и со Јохан и е спремен да се бори против него. Ама Јохан си ја вади маската и открива дека всушност има црвен череп, поради што го има прекарот Црвениот Череп. Раџерс се враќа во неговата база без Јохан бидејќи тој успева да избега. Потоа Стив ангажира свои команданти, меѓу кои и Барнс, да нападнаат повеќе Хидра бази. Стив подоцна напаѓа еден воз каде се наоѓа научникот кој му помага на Јохан, Арним Цола, и успева да го фати но Барнс паѓа од возот во претпоставена смрт. Стив го лоцира Шмит со помош на Цола и води последна борба со него. Во кулминацијата на борбата, Тесерактот го внесува Шмит во него. Стив ја зазема контролата на леталото на Шмит, но бидејќи нема начин за да го спушти без опасност за другите, тој е принуден да го спушти на Арктикот. Во една болничка соба, Раџерс се буди и дознава дека бил во кома речиси 70 години. Директорот на S.H.I.E.L.D, Ник Фјури, го регрутира Раџерс како дел од Одмаздниците.

Улоги

• Крис Еванс како Стив Раџерс/Капетан Америка
• Томи Ли Џонс како Полковник Честер Филипс
• Хуго Вивинг како Јохан Шмит/Црвениот череп
• Хејли Атвел како Пеги Картер
• Себастијан Стен како Џејмс Буханан "Баки" Барнс
• Доминик Купер како Ховард Старк
• Нил МекДонах како Тимотеј "Дам Дам" Dуган
• Дерек Лук како Гејб Џонс
• Стенли Туки како Доктор Абрахам Ерскин