Капетан Америка: Зимски војник

Капетан Америка: Зимски војник (англиски: Captain America: The Winter Soldier) — американски филм од 2014 година, во режија на Ентони и Џо Русо. Главните улоги ги толкуваат: Крис Еванс, Семјуел Л. Џексон, Скарлет Јохансон, Себастијан Стен, Роберт Редфорд и Ентони Меки. Премиерата на филмот беше прикажана во Лос Анџелес на 13 март 2014 година, а филмот беше објавен во САД на 4 април 2014 година, во 2Д, 3D и IMAX 3D. Филмот стана критичен и комерцијален успех, заработувајќи повеќе од 714 милиони долари ширум светот, и ова го направи да биде седмиот највисоко заробатувачки филм од 2014 година. Исто така, доби номинација за Оскар за најдобри визуелни ефекти. Продолжението на филмот насловено како Капетан Америка: Граѓанска војна, исто така во режија на браќата Русо, беше објавено на 6 мај 2016 година.

„Капетан Америка: Зимски војник“
Режисер	Браќата Русо
Продуцент	Кевин Фејџ
Главни улоги	Крис Еванс Скарлет Јохансон Себастијан Стен Ентони Меки Коби Шмилдерс Френк Грило Емили ВанКамп Хејли Атвел Роберт Редфорд Семјуел Л. Џексон
Музика	Хенри Џекмен
Кинематографија	Трент Опалох
Монтажа	Џефри Форд Матеј Шмит
Студио	Marvel Studios
Дистрибутер	Walt Disney Studios Motion Pictures
Премиера	март 13 2014 (2014-03-13) (Ел Капитан театар) април 4 2014 (2014-04-04) (САД)
Времетраење	136 минути
Земја	САД
Јазик	англиски
Буџет	$177 милиони
Бруто заработка	$714.3 милиони

Содржина

Филмот се одвива две години по Битката кај Њујорк. Стив Раџерс сега работи за директорот на S.H.I.EL.D Ник Фјури и се обидува да се прилагоди на современото општество. Тој е испратен на една мисија заедно со Наташа Романоф, да спаси заложници на еден брод, држени од страна Џорџес Батрок. Предводени од страна на агентот Румлоу, тие успеваат да ги спасаат заложниците, иако Раџерс и Романоф имаат различни цели во оваа мисија. Додека се вози во градот, Фјури е нападнат од еден тим на атентатори предводен од мистериозен атентатор кој се вика Зимскиот Војник. Тој успева да се спаси и тајно влегува во апартманот на Стив. Тој го предупредува Стив за S.H.I.E.L.D и потоа е застрелан од Зимскиот Војник. Фјури е однесен во болница, но таму е прогласен за мртов. Александар Пирс го прашува Стив за Ник Фјури, но Стив оди по предупредувањето на Фјури и не му открива на Пирс ништо за Фјури. Пирс потоа ги испраќа S.H.I.E.L.D и S.T.R.I.K.E да се бораат против Стив. Стив успешно ги избегнува со помош на Романоф, а тие двајцата откриваат еден таен бункер на S.H.I.E.L.D во Њу Џерси. Таму ја откриваат зачуваната свест на Арним Цола во еден суперкомпјутер. Цола им открива дека Хидра тајно оперира во S.H.I.E.L.D и го открива планот на Хидра. Раџерс и Романоф за влакно избегнуваат смрт откако ракета на S.H.I.E.L.D го уништува бункерот, тие тогаш сфаќаат дека Пирс е водач на Хидра во S.H.I.E.LD. Раџерс и Романоф го ангажираат Сем Вилсон, пријател на Раџерс, кој користи посебна униформа за да лета и се нарекува „Сокол". Раџерс, Романоф и Вилсон испрашуваат еден агент на S.H.I.E.L.D кој работи за Хидра, но Зимскиот Војник врши им врши заседа и тие се бораат со него. Раџерс открива дека Зимскиот Војник е всушност неговиот добар пријател Баки Барнс и дека тој не умрел тогаш кога паднал од возот, туку бил експериментиран и претворен во супер војник по Втората светска војна. Марија Хил ги извлекува Стив, Вилсон и Романоф, носејќи ги во едно засолниште. Таму тие дознаваат дека Фјури ја фалсификувал својата смрт и дека е жив. Раџерс, во Трискелион, им кажува на сите агенти на S.H.I.E.L.D за планот на Хидра , додека Фјури и Романоф се соочуваат со Пирс за да го откријаат планот на Хидра на јавноста. Фјури успева да го убие Пирс. Стив и Сем се соочуваат со Зимскиот Војник, но откако Зимскиот Војник ја уништува униформата на Сем, Стив е принуден сам да се бори против него. Ама Раџерс потоа одлучува да не се бори со Зимскиот Војник со цел да му го смени размислувањето, но Раџерс е потоа фрлен во реката Потомак по судирот на бродот со Трискелион. Зимскиот Војник сепак одлучува да го спаси Раџерс и потоа исчезнува. На крајот од филмот, Романоф се појавува пред Сенатот; Фјури заминува за Источна Европа за ги открие останатите ќелии на Хидра; Раџерс и Вилсон одлучуваат да одаат во потрага по Зимскиот Војник, а агентот Рамлоу кој работел за Хидра е хоспитализиран по уништувањето на Трискелион.

Улоги

• Крис Еванс како Стив Раџерс/Капетан Америка
• Скарлет Јохансон како Наташа Романоф/Црната вдовица
• Себастијан Стен како Баки Барнс/Зимскиот Војник
• Ентони Меки како Сем Вилсон/Соколот
• Коби Шмилдерс како Марија Хил
• Френк Грило како Брок Рамлоу
• Емили ВанКамп како Шерон Картер/Агент 13
• Хејли Атвел како Пеги Картер
• Роберт Редфорд како Александар Гудвин Пирс
• Самуел Л. Џексон како Ник Фјури