Канли Чаир (Дамјан)

„Канли Чаир - Бојковци“
Местоположба	41°36′47″N 22°21′40″E
Основни податоци
Место	Дамјан
Општина	Радовиш
Тип	населба
Портал „Археологија“

Канли Чаир или Бојковци — археолошко наоѓалиште во радовишкото село Дамјан. Претставува населба од неолитско време. Се наоѓа северозападно од селото, во долината на реката Тополница, опкружена со рудните масиви на Дамјан и Бучим. Се работи за поголем простор сместен помеѓу магистралниот пат Штип - Радовиш - Струмица и десниот брег на реката, кој со мал дел навлегува и во атарот на селото Бучим. Во 1987 и 1988 година Музеј на Македонија извршил заштитни ископувања со кои е пронајдена повеќеслојна неолитска населба со остатоци од три хоризонти на живеење. Според типолошките одлики на археолошките наоди, првите два хоризонта се од времето на раниот и средниот неолити - припаѓаат на културната група Амзабегово-Вршник. Третиот хоризонт претставува нова културна појава што тесно се врзува за доцниот неолит, и тоа за културната група Ангелци-Зелениково II. Наодите се чуваат во Музејот на Македонија во Скопје.

Поврзано

• Грамади — населба од доцната антика и средниот век;
• Јасен — населба од доцниот среден век;
• Маденска Река — доцноантичка населба;
• Марчово — населба и некропола од доцноантичко време;
• Ограѓе — населба од доцната антика и средниот век;
• Османова Ритка — сакрален објект од средниот век;
• Падарница — тумул од железното време;
• Стар Манастир — населба од железното време и доцната антика;
• Сурим Врчва — сакрален објект од средниот век;
• Тополничка Река — храм од античко време;
• Турски Гробишта — некропола од доцната антика;
• Дамјан;
• Список на археолошки наоѓалишта во Радовишко;
• Список на средновековни некрополи во Македонија.