Каналски Острови

Каналски Острови
Channel Islands (англиски); Îles Anglo-Normandes (француски); Îles d'la Manche (јазик?)
	Сателистска фотографија на Каналските Острови од 2018
	Местоположба на Каналските Острови
Географија
Место	Северозападна Европа
Координати	49°26′N 2°19′W / 49.433° СГШ; 2.317° ЗГДКоординати: 49°26′N 2°19′W / 49.433° СГШ; 2.317° ЗГД
Соседни водни површини	Ламанш
Вкупно острови	7 населени
Поголеми острови	Џерси и Гернзи
Површина	198 км2
Демографија
Население	164,541 (2016)
Густина	844,6 /km2 (21.875 /sq mi)
Дополнителни податоци
Часовен појас	Средно време по Гринич (UTC);
• Лето (ЛСВ)	Британско летно време (UTC+1);
	Internet TLD = GG and JE

Каналски Острови (англиски: Channel Islands, нормандски: Îles d'la Manche, француски: Îles Anglo-Normandes или Îles de la Manche) — архипелаг од британски крунски поседи во каналот Ламанш, помеѓу Англија и Нормандија во Франција. Распоредени се во состав на две бејлифства (bailiwicks): Бејлифство Гернзи (Bailiwick of Guernsey) и Бејлифство Џерси (Bailiwick of Jersey). Се сметаат за остатоци од некогашното Војводство Нормандија и не му припаѓаат на самото Обединетото Кралство.^[2] Имаат вкупно население од 158.000 жители. Главен град на Гернзи е Сент Питер Порт (16.488), а главен град на Џерси е Сент Хелиер (28.310). Островите зафаќаат вкупна површина од 194 км².

Бејлифствата се административно независни едно од друго уште од доцниот XIII век и речиси да немаат заеднички установи.

Географија Уреди

Населени острови се Џерси, Гернзи, Олдерни, Сарк и Херм (главни); Жету, Бреку и Лиу (сите освен Џерси припаѓаат на Бејлифството Гернзи). Помали ненаселени острови се: Менкјер, Екреус, Дирује и Пјер де Лек во состав на Бејлифството Џерси) и Беру и Каскетс близу Олдерни. Поголемите острови завршуваат на „-и“, а помалите на „-у“, што е остаток од старонордискиот јазик.