Исак Асимов

Исак Асимов, (руски: Исаак Юдович Азимов, англиски: Isaac Asimov; 2 јануари 1920 - 6 април 1992) — американски писател на научна фантастика и биохемичар со еврејско-руско потекло. Роден е во Петрович, во Смоленската област, СССР. Со родителите емигрирал во САД на тригодишна возраст. Дипломирал хемија на универзитетот Колумбија во 1939 година, а докторирал во 1948 година.

Умрел од сида, бидејќи во 1983 година бил заразен со ХИВ преку трансфузија за време на операцијата на срцето, а тоа било објавено дури десет години по неговата смрт.

Асимов бил долгогодишен член на Менса. Во негова чест е наречен астероидот 5020 Асимов.

Творештво

Асимов е најпознат по збирката раскази за роботи, „Јас, робот“ (1950) и по трилогијата „Фондација“ (1951–1953) со кои значително влијаел врз современата научна фантастика. Во нив се обидува да ги искористи сознанијата од современото научно истражување и да ги екстраполира, понекогаш во сосема неочекувана насока. Дел од неговите дела се хибриди помеѓу криминалистичкиот роман и научната фантастика, а многу ценети му се и книгите од научнопопуларен карактер.

Познати се и неговите Три закони на роботиката:

I закон - Робот не може да повреди човек, ниту со неделување да дозволи повреда на човек.
II закон - Робот мора да ги следи наредбите кои му се дадени од страна на човек, освен кога наредбите се спротивно на Првиот закон.
III закон - Робот мора да ја штити сопствената егзистенција, доколку таквата заштита не е спротивна на Првиот и Вториот закон.

Надворешни врски

Исак Асимов — матичен портал
asimovonline.com Архивирано на 16 јануари 2007 г. — Каталог на издадени книги

Оваа статија за писател/ка од САД е никулец. Можете да помогнете со тоа што ќе ја проширите.

}