Ирмингерово Море

Ирмингерово Море — рабно море во Северниот Атлантски Океан.

Ирмингерово Море
Гратчето Тасилак, Гренланд на брегот на Ирмингеровото Море
Координати	62°N 35°W
Вид	море
Сливни земји	Гренланд, Исланд
Најг. должина	480 км
Површина	&10000000000000780000000780,000 км2

Наречено е по данскиот вицеадмирал Карл Лудвиг Кристијан Ирмингер (1802–1888), по кој е наречена и Ирмингеровата Струја.

Географија

Северната граница на морето е Гренландско-исландското Возвишение на дното од Данскиот Проток помеѓу Исланд и источен Гренланд, кој го поврзува со Гренландското Море. На југозапад оди до ’ртот Фарвел (јужниот крај на Гренланд) и тука преоѓа во Лабрадорското Море. Јужно од ова место се протега отворениот Северен Атлатник. Морското дно на Ирмингеровото Море претежно лежи над Ирмингеровата Котлина, североисточниот продолжеток на Лабрадорската Котлина (најг. длаб. 4.600 м), кој на исток се граничи со Рејкјанешкиот Гребен. Ова разграничување е само океанографско и не ги претставува официјалните граници. Ирмингеровото Море е меѓу главните риболовни подрачја на црвениот костреш.

Ирмингеровото Море е долго 480, а широко 290 км во најтесниот дел.

Поврзано

• Ирмингерова Струја
• Географија на Гренланд
• Географија на Исланд

Надворешни врски

• Карта на Ирмингеровото МореАрхивирано на 20 јануари 2012 г.