Иван Прилепчански
Иван Антонов Прилепчански (Штип, 30 декември 1905 – Скопје, 8 април 1985) — македонски микробиолог и партизан. Тој е еден од основачите на Црвениот Крст за Македонија, на Македонското лекарско друштво и Секцијата на превентивците на Македонија.[1]
| Иван Прилепчански | ||
| Роден | 30 декември 1905 Штип, Отоманско Царство денес  Македонија
| |
|---|---|---|
| Починал | 8 април 1985 Скопје, Македонија | |
| Занимање | микробиолог, партизан | |
Животопис
уредиПрилепчански е роден во Штип на 30 декември 1905 година, во семејство на прилепчани. Медицина завршил во Грац, Австрија во 1935 година, а работел во Прилеп до 1940 година и Штип, од каде што им се приклучил на партизаните за време на НОБ. Од 1945 година бил во Штип. По војната бил назначен за помошник министер за здравство на НРМ. Во периодот од 1948 до 1951 година бил директор на Домот за народно здравје во Скопје. Специјализирал бактериологија и до пензионирањето во 1968 година работел во Заводот за здравствена заштита. Починал во Скопје на 8 април 1985 година.[2]