Зајак

Зајак - животно од редот глодачи.

Видови зајаци

Зајакот-дупкар спаѓа во редот зајакообразни цицачи и во семејството зајаци, во која се вбројува и обичниот зајак. Домашните видови настанале од дивиот зајак-дупкар. Потекнува од Европа, но денес го населува целиот свет, освен на Антарктикот и некои острови во Југоисточна Азија. Се среќава во тревни или шумовити предели, како и во обработени полиња. Достигнува должина од 40 сантиметри и тежина од 2 кг, а жиивее од три до шест години. Половата зрелост ја постигнува на возраст од околу четири месеци и се спарува во текот на пролетта и летото. По едномесечен период на носење, женката раѓа две до седум малечки, и тоа, четири до пет пати во текот на годината. Младенчињата се раѓаат слепи и без влакна, во дувло ископано во земјата, на меко легло прекриено со влакна од мајката. Зајакот-дупкар е тревојадец. Тој се храни со трева, корења, лисје и кора од дрвјата. Поради тоа забите му се трошат и горните секачи постојано му растат.

Зајакот во литературата и во популарната култура

Зајакот како тема во книжевноста

• „Белиот зајак“ – турска народна приказна.
• „Сопственикот на полето и зајакот“ – приказна на африканското племе Басумбва.
• „Леопардот и зајакот“ – приказна на африканското племе Кикуију.
• „Човекот, лавот и зајакот“ – приказна на африканското племе Басумбва.
• „Како зајакот го убил нилскиот коњ“ – приказна на африканското племе Акамба.
• „Зајакот и мангустата“ – приказна на африканското племе Свахили.
• „Зајачка одмазда“ — басна на Ристо Давчевски.
• „зајаците и жабите“ - басна на старогрчкиот баснописец Езоп.
• „зајаците и лисиците“ - басна на старогрчкиот баснописец Езоп.
• „Лавот и зајакот“ - басна на Езоп.
• „зајаците и жабите“ - басна на американскиот писател Емброуз Бирс.
• „Зајакот и желката“ - басна на Емброуз Бирс.
• „Чудно чудо“ — расказ за деца на македонскиот писател Киро Донев од 2013 година.
• „Зајко, зајко од дупката!“ (српски: Зека, зека из јендека!) - песна на српскиот поет Јован Јовановиќ-Змај.
• „Ти си само плашлив зајак“ - песна на македонскиот писател Славко Јаневски.
• „Зајче безопавче“ - збирка песни за деца на македонскиот писател Васил Куноски.
• „Зајаче“ — песна на Васил Куноски.
• „Зајакот и желката“ — басна на Лафонтен.
• „Нединото зајаче“ — расказ на македонскиот писател Ванчо Николески.
• „Зајко ловец“ — песна на македонскиот поет Живко Ризовски од 1995 година.
• „Современо зајаче“ — песна на македонскиот поет Васе Тодоров - Шлеговец.
• „Чудни се луѓето“ — песна на македонскиот поет Васе Тодоров - Шлеговец.

Зајакот како тема во музиката

• „Зајко кокорајко“ — македонска народна песна.
• „Јас сум зајак“ (англиски: I Am A Rabbit) — песна на американската рок-група Лемонхедс (Lemonheads) од 1989 година.
• „Умирањето на зајаците“ (англиски: Rabbits Dying) — песна на американската рок-група Throwing Muses од 1986 година.
• „Бел зајак“ (англиски: White Rabbit) — песна на американската рок-група Jefferson Airplane од 1967 година.

Зајакот како тема во филмот

• „Лисицата и зајакот“ - советски анимиран филм од 1973 во режија на Јуриј Норштејн.
• „Кој го намести зајакот Роџер“ (англиски: Who framed Roger Rabbit) - американски филм од 1988 година.

Галерија

• Зајаци во дворот на Неготинскиот манастир
• 
• 
• 
• 
• 
• 
•