Дунавски провинции
Дунавските провинции на Римската Империја биле провинции во долниот тек на Дунав, во географска област која ги опфаќала средниот и долниот дунавски слив, Источните Алпи, Динаридите и Стара Планини.[2] Тука влегуваат Норик, Дакија (Трајана и Аврелијана), северниот дел на Далмација, Мизија (Долна и Горна), Мала Скитија и Панонија (Горна и Долна). Дунав го дефинирал регионот на север, со Карпатите на север и исток.[3] Овие провинции биле важни за императорската економија како рударските региони,[4] и нивното општо значење во Империјата од 3 век е посочено од императорите кои дошле од регионот.[5]
Римското присуство во регионот може да се опише како со четири фази од Август до Адријан: воено освојување под Август, и последователни воени дејства; воспоставување на воени бази покрај патишта и речни премини под Клавдиј; воспоставување кампови покрај реката за стационирање на легии и помошни војски спроведени од Флависката династија и Трајан; и понатамошно проширување во Дакија северно од Дунав. Пристапот на Адријан бил да се брани и одржува, политика која останала повеќе или помалку во сила до доцниот 4 век, кога се распаднала римската контрола.[6] Моделот на римското населување по времето на Адријан станал стандарден: тврдина (кастра), воено гратче (канабае) поврзан со него, и гратче (муникипиум) развивајќи се на три или пет км подалеку.[7]
Дунавското население се проценува на најмалку 2 милиони за време на владеењето на Август, и 3 милиони во II век, но овие бројки не се засноваат на тврди податоци, а подоцнежните археолошки истражувања покажуваат поголем степен на развој отколку што бил препознаен.[8] Во времето на Антонините имало можеби од 3 до 6 милиони жители.[9]
Наводи уреди
- ↑ N.J.G. Pounds, An Historical Geography of Europe 450 B.C.-A.D. (Cambridge University Press, 1973), p. 160.
- ↑ J.J. Wilkes, "The Roman Danube: An Archaeological Survey," Journal of Roman Studies 95 (2005), p. 124.
- ↑ Wilkes, "The Roman Danube," p. 124.
- ↑ Alfred Michael Hirt, Imperial Mines and Quarries in the Roman World: Organizational Aspects 27 BC–AD 235 (Oxford University Press, 2010), passim.
- ↑ Barbara Levick, Vespasian (Routledge, 1999, 2005), p. 153.
- ↑ Wilkes, "The Roman Danube," p. 149.
- ↑ Wilkes, "The Roman Danube," p. 159.
- ↑ Pounds, An Historical Geography, p. 114.
- ↑ Pounds, An Historical Geography, p. 116.