Дипхолц (округ)

Дипхолц
Дипхолц; Diepholz
	округ
Знаме	Грб
Земја	Германија
Покраина	Долна Саксонија
Седиште	Дипхолц
Површина
• Вкупна	1.987 км2 (767 ми2)
Население (31 декември 2022)
• Вкупно	222.816
• Густина	110/км2 (290/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	DH
Мреж. место	diepholz.de

Дипхолц (германски: Diepholz) — округ во сојузната покраина Долна Саксонија, Германија. Се граничи со окрузите Ферден, Нинбург, Минден-Либеке (во Северна Рајна-Вестфалија), Оснабрик, Фехта и Олденбург, и со градовите Делменхорст и Бремен. Најнаселена општина е Штур крај границата со Бремен.

Историја

Од XII век до 1585 г. Дипхолц бил суверено господство, а подоцна грофовија во состав на Светото Римско Царство. На почетокот на XVI век таа претрпела голем притисок од моќното војводство Брауншвајг-Линебург, кое се обидело да ги припои кон себе помалите околни држави. Дипхолц склучил сојуз со соседната Грофовија Хоја и побарал помош од царот, така што државата успеала да остане уште неколку десетлетија. Во 1585 г. владејачкото семејство изумрело, па Дипхолц бил присвоен од Врауншвајг-Линебург.

Во 1932 г. е основан округот Грофовија Дипхолц со спојување на дотогашните окрузи Дипхолц и Зулинген. Првоспоменатиот бил приближно ист како средновековната држава, а Зулинген прешол од Грофовијата Хоја.

Денешниот округ е создаден во 1977 г. спојуваќи ги поранешните окрузи Грофовија Дипхолц со округот Грофовијаа Хоја, а самиот град Хоја влегол во округот Нинбург.

Географија

Округот се протега од јужните предграфија на Бремен до границата со Северна Рајна-Вестфалија. На југ е езерото Димер, (16 км²), опружено со слатина. Тука, во трскарниците се гнездат разни ретки видови птици. Најсеверниот дел на округот е покриен со шуми и обработливо земјиште.

Грб

На окружниот грб е претставен лав, наследен од грофот на Дипхолц. Мечкините канџи се земени од грбот на Хоја. Ова го симболицира соединувањето на грофовиите во 1977 г.