Диомидови Острови

Диомидови Острови
руски: острова Гвоздева; англиски: Diomede Islands; ескимски: ?;
	Малиот Диомид (лево) и Големиот Диомид (десно). Поглед кон југ.
Географија
Место	Берингов Проток
Координати	65°47′ СГШ 169°01′ ЗГД
Држава
	Русија / САД
Демографија
Население	0 (Голем Диомид); 170 (Мал Диомид) (2009)

Диомидовите Острови (руски: острова Диомида или острова Гвоздева, англиски: Diomede Islands) — целина од два карпести острова:

Мал Диомид (Little Diomede) им припаѓа на САД (Алјаска). На руски се нарекува остров Крузенштерна, а ескимското име е Ignaluk)
Голем Диомид (остров Ратмана) ѝ припаѓа на Русија (Чукотски автономен округ). На ескимски се нарекува Imaqliq или Inaliq, а англискиот назив е Big Diomede.

Диомидовите Острови се наоѓаат во средината на Беринговиот Проток помеѓу Алјаска и Сибир. На север е Чукотското, а на југ е Беринговото Море. Островите разговорно се нарекуваат „Денешен Остров“ (Големиот Диомид) и „Вчерашен Остров“ (Малиот Диомид) бидејќи Голем Диомид е 21 час понапред од Малиот Диомид.

Островите се наречени по маченикот Свети Диомид, чија слава паѓа на денот кога данскиот морепловец Витус Беринг во служба на руската морнарица ги забележал пловејќи по морето.^[1]

Местоположба

Помеѓу островите се протега границата на двете земји, како и меѓународната датумска граница. Границата е оддалечена околу 2 км од секој остров и лежи на местоположба 168°58'37" ЗГД. Во најтесниот тел, растојанието меѓу островите изнесува 3,8 км. На западната страна на Малиот Диомид се наоѓа селото Дајомиди (Diomede), кое мештаните го нарекуваат Иналик (Inalik).

Големиот Диомид се смета за најисточна точка на Русија.

Овие острови често се споменуваат како места низ кој би поминувал идејниот мост или тунел преку Беринговиот Проток што треба да ги поврзе Русија и Америка.^[2]

Зиме помеѓу островите се протега мост од мраз, што овозможува преминување од САД во Русија (и обратно) одејќи пешки.

Поврзано

Наводи

↑ Житија: Светиот маченик Диомид - МПЦ (македонски)
↑ „Дали ќе може да се изгради тунел од Русија до САД?“. БиБиСи Вести. 21 октомври 2011. (англиски)

Надворешни врски

Слики од островите Архивирано на 9 мај 2008 г. (англиски)
Мал Диомид (англиски)
Proposed Trans-Global Идејна автомагистрала и тунел (англиски)
Мрежна камера Архивирано на 15 јануари 2006 г.: „поглед кон иднината“ (од Малиот кон Големиот Диомид)

[1] Житија: Светиот маченик Диомид - МПЦ (македонски)

[2] „Дали ќе може да се изгради тунел од Русија до САД?“. БиБиСи Вести. 21 октомври 2011. (англиски)

[1]

[2]