Горна Саксонија

Горна Саксонија (германски: Obersachsen) — историски поим за краиштата во владение на династијата Ветинци во подрачјето на она што денес се нарекува Средна Германија (Mitteldeutschland).

Историја на поимувањето

Поимот потекнува од времето кога, по падот на војводата Хајнрих Лавот во 1180 г. средновековното Војводство Саксонија се распаднало и владенијата на Војводството Саксонија-Витенберг прешле кај династијата Аскани, а подоцна кај Вентинците во Маркгрофовијата Мајсен. Овие династии ги покориле краиштата источно од реката Зале населени од Полапските Словени, и со нив го зеле племенското име Саси (Sachsen, „Захсен“) спротиводно од Елба.

Името служи и за разликување на овие подрачја од „Долна Саксонија“, која подоцна влегла во оптек (иако никогаш не бил наложувана) како поим за првобитните саксонски краишта во северна и западна Германија (каде се прошириле западнодолногерманските дијалекти), на територијата на денешната сојузната покраина Долна Саксонија, како и соседните области Вестфалија, Холштајн и западот на денешна Саксонија-Анхалт северно венецот Харц (Остфалија).

Според Златната була од 1356 г. владенијата на Саксонија-Витенберг над Елба го сочиниле Изборното Кнежевство Саксонија, кое во 1423 г. се споило со Мајсен под династијата Ветинци и го возаглавило Горносаксонскиот округ. Ветинците ја добиле областа Лужица со Прашкиот мир од 1635 г. и конечно во 1806 г. биле станале кралеви на Саксонија. Така, граѓаните на денешната сојузна покраина Саксонија просто се нарекуваат Саксонци. Ова е случај во медиумите, иако источносредногерманските дијалекти на горносаксонскиот (мајсенски и остерлендски) се сместени во тириншко-горносаксонскиот континуум.

Поврзано

Надворешни врски

Горна Саксонија — Лексикон „Мајерс“ (германски)
Горна Саксонија во Лајпцишкиот лексикон (германски)