Гордана Димитриеска Кочоска

Гордана Димитриеска Кочоска (р. 2 декември 1983 во Тетово) — македонски политичар и тековен министер за финансии од страна на ВМРО-ДПМНЕ, и сегашна потпретседателка на истата партија.

Гордана Димитриеска Кочоска
Министерка за финансии
На должноста
Стапил 24 јуни 2024
Претседател	Гордана Силјановска-Давкова
Премиер	Христијан Мицкоски
Претходник	Фатмир Бесими
Наследник	актуелна
Лични податоци
Роден(а)	Гордана Димитриеска 2 декември 1983(1983-12-02) Тетово, СР Македонија, СФРЈ
Државјанство	Македонија
Националност	Македонка
Партија	ВМРО-ДПМНЕ
Деца	2

Животопис

Таа е дипломиран економист и дипломирала на Економскиот факултет при Универзитетот „Св. Кирил и Методиј“ во Скопје, со просечна оценка од 9.55. Потоа Димитриеска Кочоска станала магистер по економски науки на истиот факултет.

Димитриеска Кочоска поседува обуки, професионални надградби и меѓународни сертификати од повеќе области, како што е анализа на финансиски извештаи, сметководствена аналитика, менаџирање, контрола и управување, завршила и Академија за контрола, во Менаџмент центар - Белград, а лиценцирана од СА Akademie AG.

Била вработена во приватно претпријатие, како финансиски советник во областа на управување и финансии.

Претходно работела во Стопанска Банка, во Македонски Телеком во секторот на даноци, во Министерство за финансии во Секторот за јавен долг, а воедно во одреден период е и директор за финансии во ЕЛЕМ, во времето кога со ова претпријатие управувал сегашниот водач на ВМРО-ДПМНЕ, Христијан Мицкоски.

Димитриеска Кочоска е мажена и е мајка на две деца.