Отвори го главното мени

Георги Божиков

македонски оперски пејач

Георги Божиков - Жоро (1931, Петрич, Бугарија - 1986, Скопје, Македонија) - македонски оперски пејач (бас).

БиографијаУреди

Божиков се родил во Петрич, Бугарија, во 1931 година. Музичката академија ја завршил во Софија, а 1963 година се преселил во Скопје. Умрел во Скопје, во 1986 година. Имал син, Димитар Божиков.[1]

ТворештвоУреди

По завршувањето на музичката академија, Божиков станал член на Софиската опера. Од 1966 до 1968 година настапувал во Загрепската опера. Во 1969 година ја добил наградата „11 Октомври“. Како солист-првенец на МОБ, Божиков одиграл околу 40 улоги, а од 1977 до 1983 година бил директор на Операта. Додека ја вршел оваа функција било отворено оперско студио од кое подоцна произлегле многу солисти, а бил дооформен и хорот на Операта. Исто така, Божиков настапувал и како концертен и ораториумски пејач. Во својата кариера, тој пеел на сите сцени во СФРЈ, а настапувал и на повеќе сцени во светот. За потребите на Македонското радио снимил околу 80 дела, претежно од македонски автори.[2]

На 22 ноември 2016 година, во МОБ била отворена изложба со наслов „од уметничкото делување на Георги Божиков“ и била претставена монографијата „Жоро - Уметничкиот пат на Георги Божиков - бас“, дело на Снежана Анастасова-Чадиковска.[3]

НаводиУреди

  1. К.Б., „Монографија, концерт и изложба во чест на Георги Божиков“, Утрински весник, година XVII, број 5239, вторник, 22 ноември 2016, стр. 18.
  2. К.Б., „Монографија, концерт и изложба во чест на Георги Божиков“, Утрински весник, година XVII, број 5239, вторник, 22 ноември 2016, стр. 18.
  3. К.Б., „Монографија, концерт и изложба во чест на Георги Божиков“, Утрински весник, година XVII, број 5239, вторник, 22 ноември 2016, стр. 18.