Виктор Икпеба

Виктор Носа Икпеба (роден на 12 јуни 1973 во Бенин Сити) — поранешен нигериски фудбалер, кој играл на позицијата напаѓач.

Виктор Икпеба
Лични податоци
Роден на	12 јули 1973(1973-07-12)
Роден во	Бенин Сити, Нигерија
Држава	Нигерија
Висина	&100000000000001740000001,74 м
Играчки податоци
Позиција	напаѓач
Повлекување	2007
Кариера*
Години	Клуб	Наст.†	(Гол.)†
1989	АЦБ Лагос
1989-1993	РФК Лиеж	79	(27)
1994-1999	Монако	169	(55)
1999-2001	Борусија Дортмунд	30	(3)
2001-2002	→ Бетис	3	(0)
2002-2003	Ал-Итихад Триполи	26	(13)
2004	Шарлероа	15	(5)
2005-2007	Ал-Сад	?	(?)
Репрезентација ‡
1992-2002	Нигерија	31	(7)
Сениорските учества и голови се сметаат само за домашни натпревари податоците се од 6 јануари 2011. † Учества (Голови). ‡ Учествата и головите за репрезентација се според податок од 17 ноември 2010

Во својата кариера настапувал за осум клубови, а најдлабока трага оставил играјќи пет години за Монако. Во 1997 година токму како играч на Монако ја добил наградата за Африкански фудбалер на годината доделена од КАФ.

Со нигериската репрезентација настапил на две Светски првенства во 1994 и 1998. Исто така, тој бил дел од репрезентацијата која победила на Африканскиот куп на нациите во 1994 и го освоила златниот олимписки медал во Атланта 1996 година.

Животопис

Икпеба е оженет и има три деца. Во мај 2000 година неговата сопруга Атинуке починала на возраст од 26 години, од рак на градата.

Икпеба со својте деца денес живее во Монако.

Кариера

Клупска кариера

Талентот на Икпеба бил отркриен од страна на белгискиот клуб РФК Лиеж уште додека тој настапувал со својата репрезентација на Светско првенство за играчи под 17 години. Во 1989 година Икпеба се договорил со клубот и отпатувал за Белгија заедно со соиграчот Сандеј Олисех. Во 1994 година Икпеба бил продаден на Монако каде што ќе ги доживее својте најдобри фудбалски години. Во почетокот тој бил трениран од страна на Арсен Венгер кој многу ја унапредил неговата игра. Во сезоната 1996-97, Икпеба играл одлично и постигнал 13 голови со што му помогнал на клубот да ја освои титулата во Лига 1. Во истата таа 1997 година бил избран и за Африкански фудбалер на годината. Во последните две сезони тој оформил впечатливо партнерство во нападот со Давид Трезеге.

Икпеба му се придружил на Сандеј Олисех во Борусија Дортмунд во 1999 година, за надомест за трансфер од £ 4,8 милиони. Икпеба постигнал само два гола во неговата прва сезона во Бундеслигата и речиси воопшто неиграл во својата втора, откако се скарал со тренерот Матијас Замер. Во потрага по трансфер во странство, Икпеба го одбил Саутхемптон, за да му се приклучи на Реал Бетис на заем за една сезона. Работите отишле уште подалеку во надолна линија за играчот во Шпанија откако тој бил критикуван за прекумерната тежина од тренерот, откако направил само еден настап за клубот. Тој не влегол во игра за Бетис повторно, сè до последните два натпревари од сезоната.

По мало лутање по клубови од послаба класа и послаби лиги Икпеба ја завршил кариерата во 2007 година откако претходно две сезони бил фудбалер на катарскиот Ал Сад.

Репрезентативна кариера

Тој одиграл 31 натпревар и постигнал седум гола за нигериската репрезентација. Со репрезентацијата играл на две Светски првенства во 1994 и 1998. Тој, исто така, му помогнал на својот репрезентација да триумфира на Африканскиот куп на нациите во 1994 и да го освои златниот олимписки медал на Олимпијадата во Атланта 1996 година.

Титули

Клупски РФК Лиеж Куп на Белгија: 1 1989-1990 Монако Лига 1: 1 1996-1997 Суперкуп на Франција : 1 1997 Ал-Итихад Премиер лига на Либија: 1 2002-2003 Репрезентативни Нигерија Африкански куп на нации : 1 1994 Летни олимписки игри : 1 1996

Поединечни Абоносова копачка : 1 1993 Африкански фудбалер на годината : 1 1997

Надворешни врски

• Виктор Икпеба на soccerway
• Виктор Икпеба на transfermarkt