Ботом

Ботом (англиски: The Bottom), изворно: Боте (холандски: Botte) — главно и најголемо населено место на островот Саба, во Карипска Холандија. Во 2001 г. гратчето имало 462 жители или околу една четвртина од населението на островот. Се претпоставува дека во 2012 г. овој број се накачил на 537 трајни жители.

Ботом The Bottom
гратче
Поглед на Ботом
Ботом во рамките на островот Саба
Земја	Холандија
Јавно тело	Саба
Население
• Вкупно	462
Часовен појас	AST (UTC-4)
Клима	Aw

Ботом во 1947 г.

Историја

Населбата е основана во 1632 г од доселеници од холандскиот крај Зеланд, кои ја нарекле „Боте“ (De Botte), што на тогашен холандски значи „вангла“, поради котлинскиот карактер на местото, обиколено со планини. Денешното англиско име The Bottom е звучно прилагодено од изворното холандско.

Географија

Боттом е сместен во југозападниот дел на островот, во подножјето на вулканската планина Синери, која со своите 877 м е највисокото место во Кралство Холандија. На 2 км на запад од Ботом се наоѓа единствената плажа на островот, во заливот Велс. На 1,5 км источно од гратчето е пристаништето на островот.

Установи

Гратчето има управни служби, болница, старечки дом, спортско игралиште, три цркви, библиотека, разни продавници и медицински факултет.

Настани

Во Ботом има разни настани во текот на годината. Лете се одржува неколкудневен карневал наречен „Карневал на Саба“, чии шаренолики поворки се придружени од музика со челични тапани и настапи на месни изведувачи.

Друг поважен настан е Денот на Саба кога се затворени сите јавни установи и дуќани, а низ улиците има паради и други активности. На спортското игралиште се одржува концерт на кој настапуваат домашни музичари и групи од пошироките Кариби. За возрасните се приредува натпревар во риболов, а децата учествуваат во конкурс за најдобар цртеж.

Поврзано

• Синери
• Саба

Надворешни врски

• Ботом на Ризницата ^?
• Ботом на туристичкиот портал на Саба (англиски)
• Ботом — Голема руска енциклопедија (руски)