Белоцрквенски Езера
Белоцрквенски Езера — езера во непосредна близина, југозападно од градот Бела Црква. Станува збор за вештачки, кристално чисти езера, со вкупна површина од 150 хектари, создадени со експлоатација на чакал за индустриски цели[1] од дното на Панонската Низина. Тие го претставуваат најголемото природно богатство на Бела Црква од гледна точка на развојот на туризмот. Езерата се снабдуваат со вода од артерски бунари и подземни извори. Водата од езерото се користи за снабдување со вода и за наводнување на земјоделските површини.
| Белоцрквенски Езера | |
|---|---|
 Врачевгајско Езеро | |
| Вид | вештачко езеро |
| Сливни земји |  Србија |
| Зафатнина | 0,0015 км3 |
Езерата имаат чакалест и песочен брег, што на водата ѝ дава проѕирна боја. Езерата со својата околина се многу погодни за рекреација и излети.
Тие се состојат од 7 поголеми езера и неколку помали. Таму е главното или Градското Езеро, најблиску до градот. Истото е најпрво создадено, а на неговите брегови има викенд и камп населби, ресторани и ски скокалници. Врачевгајското езеро има уредена камп-населба, која може да прими околу 200 туристи. Покрај тоа, тука се Шаранско Езеро, Шљункара, Ново Езеро и Мало Езеро, чиј туристички потенцијал е сè уште недоволно развиен. Се одликуваат со недопрена природа, но не се прилагодени за капење.[2]
Историја
уредиЕксплоатацијата на чакал започнала во 1904 година. Во почетокот копањето се вршело со земјоделски алатки (мотики), додека транспортот се вршел со колско влечење. Подоцна почнале да копаат со багери, а биле транспортирани со железница. До 1941 година чакалот и песокот главно се користеле за изградба на насипи и патишта.[1]
Спорт
уредиВатерполо клубот „Језеро“ од Бела Црква тренира на Белоцрквенските Езера. Традицијата на клубот е долга преку шест децении. Натпреварите се играат во ограден дел од езерото, кој мештаните го нарекуваат „Базен“. Клубот долги години се натпреварува во Втората ватерполо лига на Србија. Клубот е најактивен од јуни до септември, кога се организираат школа за пливање и школа за ватерполо. Ватерполо клубот има четири секции: пионери, кадети, јуниори и сениори. Во летната сезона на езерото се организира меморијален турнир „Чича Жива Стојадиновиќ“ на кој учествуваат екипи од цела Србија.
Дополнително, на Градско језеро во летниот период се организира школа за нуркање и едрење.[3]
Езерата се исклучително богати со риби: амур, костур, штука, крап, сом, па затоа се погодни за риболов,[4]. Од 1988 година на Градско Езеро бил организиран настан наречен „Лов на главниот сом“ во спомен на сом тежок 68 килограми и долг 2,5 метри, уловен на ова езеро во 1957 година, во која учествуваат рибари, а се организира и кулинарски натпревар во подготовка на рибја чорба, како и културно-уметничка програма во која уживаат голем број посетители.[5]
Поврзано
уредиНаводи
уреди- ↑ 1,0 1,1 „Бела црква еу: Језера Бела Црква“. Архивирано од изворникот на 14 јули 2014. Посетено на 17 април 2013.
- ↑ Политика: Седам језера белоцркванског „приморја”, Пристапено 9. 1. 2013.
- ↑ ТО Србија: Белоцркванска језера Архивирано на 28 јануари 2013 г., Пристапено 9. 1. 2013.
- ↑ „Општина Алибунар: Туризам“. Архивирано од изворникот на 2016-04-14. Посетено на 2022-01-29.
- ↑ Бела Црква еу: Бесијеве авантуре Архивирано на 29 јануари 2022 г., Пристапено 9. 1. 2012.
Литература
уреди- Мала енциклопедија Просвета (3 изд.). Београд: Просвета. 1985. ISBN 978-86-07-00001-2. Недостаје или је празан параметар |title= (помоћ)
- Марковић, Јован Ђ. (1990). Енциклопедијски географски лексикон Југославије. Сарајево: Свјетлост. ISBN 978-86-01-02651-3.CS1-одржување: ref=harv (link)
