Батал џамија е џамија која се наоѓала во Белград, Србија. Оваа џамија се наоѓала на местото на денешното Собрание на Белград. До 1798 година џамијата се нарекувала Ејнехан-бегова џамија. Џамијата била изградена во 1585 година и се смета дека била една од наубавите градби во тогашното Османлиско Царство. Во 1717 година била оштетена по нападот на Австрија на Белград. Подоцна, била претворена во склад. Но по победата над австријците, оваа џамија била реконструирана во 1766 година. Исто така, по само три години џамијата била повторно оштетена, како и во 1806 година во Првото српско востание, каде џамијата била користена како главно упориште на Османлиите. По ослободувањето на Србија, џамијата во 1869 година била целосно срушена.
