Шат ел-Араб
Шат ел-Араб (арапски: شط العرب, „Арапски Поток“; персиски: اَروَندرود, Арванд[1] = „Брза“) — река во Југозападна Азија со должина од 200 км. Се создава со спојување на Тигар и Еуфрат кај местото Курна во покраината Басра во Јужен Ирак. Јужниот крај на течението ја исцртува границата помеѓу Ирак и Иран, сè до устието во Персискиот Залив. Во ширина се движи од 232 м кај Басра до 800 м во устието. Се смета дека реката настанала релативно доцна во геолошки рамки, а пред тоа Тигар и Еуфрат се влевале во Персискиот Залив преку друг водотек на запад.
| Шат ел-Араб | |
|---|---|
 | |
| Местоположба | |
| Физички особености | |
| Устие | Персиски Залив |
• надм. вис. | 0 м |
| Должина | 200 км |
| Особености на сливот | |
Од иранска страна на реката ѝ се приклучува притоката Карун и донесува големо количество мил. Поради ова, коритото мора постојано да се ископува за да се задржи пловноста.[2]
Во поречието е сместена најголемата шума на урмини палми во светот. Во средината на 1970-тите, подрачјето имало 17-18 милиони дрва, или 1⁄5 од вкупниот број во светот. Меѓутоа, веќе во 2002 г, воените судири, штетниците и солта уништиле преку 14 милиони палми, од кои 9 милиони во Ирак и 5 милиони во Иран. Голем број од преостанатите 3-4 милиони дрва се во лоша состојба.[3]
Во персиската книжевност и епот „Шахнаме“ (977-1010), името اروند Арванд се однесува на Тигар, кој е една од реките што го сочинува Шат ел-Араб.[4] Поимот почнал да се однесува на оваа река во периодот на Пахлевите и опстојува како таков и по Иранската револуција (1979) до денес.[4]
Поврзано
уредиНаводи
уреди- ↑ Поточно Арвандруд = „Брза Река“
- ↑ Ирак — Поважни географски елементи (англиски)
- ↑ Шат ел-Араб Архивирано на 12 јули 2007 г. — УНЕП (англиски)
- ↑ 4,0 4,1 Арандруд, М. Кашеф. — Енциклопедија „Ираника“ посет. 18 октомври 2007 г
Надворешни врски
уреди
Шат ел-Араб на Ризницата ?- Иранско-ирачка граница, 1639-1992 Архивирано на 25 декември 2018 г. (англиски)
