Андон Петров
Андон Петров Ангелков — македонски зограф и иконописец од XIX век, припадник Дебарската школа и зографскиот род Ангелковци.
| Андон Петров | |
|---|---|
| Роден(а) | Гари, Дебарско |
| Националност | Македонец |
| Занимање | иконописец, зограф |
| Познат(а) по | цркви |
| Значајни дела | во текстот |
| Деца |
|
| Родители | Петар Ангелков (татко) |
| Роднини | Спасе Петров (брат) |
Животопис уреди
Андон Петров е роден во селото Гари, Дебарско. Дедо му, татко му и брат му Спасе исто така биле иконописци. Името на Андон Петров фигурира на натписот при обновувањето на црквата „Св. Ѓорѓи“ во струмичко Ново Село.[1]
Ѡбновленїе храма стагѡ великомȢченика Геѡргiѧ побѣдоносца сосъ предстоѧнїето на г. г.... и сосъ негѡво благопочтеннородiе г. г. Велко Костодиновичъ... и г. г. Тане епїтропъ Марковичъ и негово благопочтеннородїе и трȢдолюбїе г. г. Андонъ Зографъ ѿ каза Дебръ ѿ село Гари за дȢшевное ихъ спасенїе и тѣлесное здравїе ссе домомъ и чадомъ ихъ.[1]
Во храмот за жал нема негови зачувани дела.[1]
Во 1865 г. ја живописал црквата „Св. Богородица“ во тиквешко Бојанчиште и натписот на западната страна од гредата меѓу наосот и припратата гласи: „1865 месец маја на ден 12 мајстор Спасе от Деборската каза и Доне брат Негров од село Гари”.[2]
Две икони на Андон Петров има во црквата „Св. Константин и Елена“ во Моноспитово. Едната на Свети Илија е со натпис „Сиѧ икона прїложилъ ѧ со рȢкою Ило ћехаѧ Младеновичъ смиренiй зȢграф Андонъ Петровичъ ѿ село Гари каза Дебра 1858“. Втората икона е на Свети Атанасиј и нејзиниот натпис гласи: „Сиѧ икона приложи со рȢкою Манъчо Коловъ сїнъ мȢ Аѳанасъ ПȢно за дȢевное спасенiе и тѣлесное здравие аминъ зȢграфъ Андонъ 1858“.[1]
Икони на Андон Зограф има во храмот „Св. Константин и Елена“ во радовишки Раклиш,[3] во „Св. Богородица“ во виничко Драгобраште[4] и во „Св. Пантелејмон“ во Мокриево, Струмичко.
Работел во Прилепско, Кавадаречко и Мариово заедно со брат му Спасе. Со нив работеле и неговите синови Димитар, Ѓорѓи и Нестор Андонов. Внук му Андон (Доне) Георгиев Донев исто така бил зограф. Заедно со братучед му Илија Димитров Донев во 1938 г. ги насликале фреските во црквата „Св. Димитриј“ во Атишта и во други села во Кичевско.[1]
Родословие уреди
| Ангелко | |||||||||||||||||||||||||||||||||||||||||||||||||||||||||||||||||||||||||||||||||||
| Петар Ангелков | |||||||||||||||||||||||||||||||||||||||||||||||||||||||||||||||||||||||||||||||||||
| Спасе Петров | Андон Петров | ||||||||||||||||||||||||||||||||||||||||||||||||||||||||||||||||||||||||||||||||||
| Ефтим Спасов | Димитар Андонов (1856 - 1934) | Ѓорѓи Андонов (1862 - 1933) | Нестор Андонов (1866 - 1926) | ||||||||||||||||||||||||||||||||||||||||||||||||||||||||||||||||||||||||||||||||
| Крсте Ефтимов | Ангелко Ефтимов | Илија Димитров | Темелко Димитров | Борис Димитров | Андон Георгиев (1896 - ?) | Петко Георгиев | Јордан Георгиев | Богомил Георгиев | Блажо Георгиев | ||||||||||||||||||||||||||||||||||||||||||||||||||||||||||||||||||||||||||
| Спасе Крстев | Петар Крстев | Тома Крстев | |||||||||||||||||||||||||||||||||||||||||||||||||||||||||||||||||||||||||||||||||
Наводи уреди
- ↑ 1,0 1,1 1,2 1,3 1,4 Василиев, Асен (1965). Български възрожденски майстори: живописци, резбари, строители. София: „Наука и изкуство“. стр. 241.
- ↑ „Ваташка парохија - цркви и манастири“. Повардарска епархија. 28 ноември 2007. Посетено на 14 февруари 2014.
- ↑ „Радовишко архиерејско намесништво“. Брегалничка епархија. Архивирано од изворникот на 7 април 2014. Посетено на 30 јуни 2015.
- ↑ „Цркви и манастири“. Музеј на град Виница. Архивирано од изворникот на 13 април 2014. Посетено на 30 јуни 2015.