Алексис Санчес

Алексис Алехандро Санчес Санчес (шпански изговор: [aˈleksis ˈsantʃes]; роден на 19 декември 1988), исто така познат едноставно како Алексис, е чилеански фудбалер, напаѓач на Интер и на чилеанската репрезентација.

Алексис Санчес
Санчес играјќи за Чиле во 2017
Лични податоци
Полно име	Алексис Алехандро Санчес Санчес
Роден на	19 декември 1988(1988-12-19)
Роден во	Токопиња, Чиле
Држава	Чиле
Висина	&100000000000001690000001,69 м
Позиција	напад / крило
Клупски податоци
Сегашен клуб	Интер
Број	7
Младинска кариера
2004–2005	Кобрелоа
Кариера*
Години	Клуб	Наст.	(Гол.)
2005–2006	Кобрелоа	47	(9)
2006–2011	Удинезе	95	(20)
2006–2007	→ Коло Коло	32	(5)
2007–2008	→ Ривер Плејт	23	(4)
2011–2014	Барселона	88	(39)
2014–2018	Арсенал	122	(60)
2018–	Манчестер Јунајтед	32	(3)
2019–	Интер	0	(0)
Репрезентација ‡
2006–2008	Чиле 20	18	(4)
2006–	Чиле	124	(41)
** Ажурирано на: 10 October 2017

Санчес ја започнал својата кариера како младински играч за Кобрелоа на возраст од 17 години, а по завршувањето на сезоната со клубот, се преселил во Италија во тимот на Удинезе во 2006 година. Тој го освоил својот прв трофеи во наредните сезони, како позејмен играч на Коло Коло и Ривер Плејт. Во 2008 година, се вратил во Удинезе, каде што станал составен дел од тимот во неговата прва целосна сезона во клубот. По три плодни сезони во Италија, Санчес се преселил во Барселона во трансфер вреден 30 милиони евра (£25 милиони евра), со што станал најскапиот чилеански играч на сите времиња.

Во неговата прва сезона во Барселона, Санчес играл во напаѓачката тројка со Лионел Меси и Давид Вилја, помагајќи му на клубот да победи во Копа дел Реј, Суперкупот на Шпанија, Суперкупот на УЕФА, и Светското клупско првенство. Триото постигнало вкупно 82 гола во наредната сезона, со што многу придонеле за освојувањето на шпанското првенство во сезоната 2012-2013, како и одбраната на шпанскиот куп. Санчес го забележал својот најдобар учинок со 21 постигнат гол во сезоната и 14 асистенции. Со доаѓањето на Нејмар во 2013 година, Санчес бил продаден на Арсенал во трансфер вреден £31,7 милиони фунти (€35,8 милиони) една година подоцна.

Во Арсенал, Санчес брзо се утврдил како многу значајна фигура на тимот, завршувајќи ја секоја сезона во Англија со двоцифена бројка на постигнати голови и асистенции. Тој исто така, ги освоил ФА Комјунити Шилд трофејот и ФА Купот во два наврати, постигнувајќи голови во двата финални натпревари. Во сезоната 2016-2017, Санчес постигнал 30 гола и имал 14 асистенции, што претставува негов рекорд на поединечен план како професионален фудбалер, а бил и номиниран за FIFPro World XI. Сепак, откако повеќе немал "инспирација" да остане во клубот, тој потпишал за соперниците Манчестер Јунајтед во договор за размена со Хенрик Мхитаријан во јануари 2018 година.

Популарно наречен во својата земја Ел Нињо Маравилја (превод на мак. Чудото од дете), Санчес дебитирал за чилеанската репрезентација во 2006 година, а досега има одиграно 124 натпревари, што го прави играч со најмногу настапи на сите времиња, а со 41 гол, тој исто така е и најдобар стрелец во историјата на репрезентацијата на неговата земја. Тој одиграл клучна улога во остварувањето на најголемите успеси на чилеанската репрезентација, освојувањето на Копа Америка 2015 и Копа Америка Сентрарио. Тој исто така ја предводел својата репрезентација до финалето на Купот на конфедерациите во 2017 година, каде биле поразени од светскиот шампион Германија со 1-0.