Аеродром Росток-Лаге

Аеродром Росток-Лаге (германски: Flughafen Rostock–Laage; понекогаш само Аеродром Росток) (IATA: RLG, ICAO: ETNL) — аеродром на Росток, најголемиот град во сојузната покраина Мекленбург-Западна Померанија, Германија, кој е именуван по општината Лаге, која се наоѓа во округот Росток. Обезбедува летови до поголемите градови во Германија, како и некои чартери. Покрај цивилниот карактер, седиштето на Тактичкиот воздухопловен винг на Луфтвафе се наоѓа на воениот дел од аеродромот.

Аеродром Росток-Лаге Flughafen Rostock–Laage
IATA: RLG ICAO: ETNL Местоположба на аеродромот во Мекленбург-Западна Померанија
Општо
Тип	јавен/воен
Оператор	Flughafen Rostock Laage-Güstrow GmbH
Опслужуван град	Росток, Германија
Надморска височина	138 ft / 42 m
Координати	53°55′06″N 12°16′42″E
Мрежно место	rostock-airport.de
Писти
Правец Должина Површина ft m 10/28 8.202 2.500 асфалт

Историја

Изградбата на аеродромот започнала во 1979 како објект на Националната народна армија на Источна Германија. Бил пуштен во употреба во 1984. Војската го напуштила во 1990, но повторно се вратила во 1993. Во истата година започнале и цивилните летови, кои се одвивале на 60 хектари од аеродромот.

Аеродромот се очекува да забележи загуба од 2,8 милиони во 2013 и пад на патниците од 12 проценти. Бидејќи покраинската влада не е расположена да продолжи со финансиска помош, операторот на аеродромот се соочува со можно банкротство во блиска иднина.

Објекти

Внатрешноста на аеродромот

Аеродромот се состои од една современа терминална зграда во која има продавници и ресторани. Зградата е опремена со два патнички моста. Аеродромот може да опслужи средни воздухоплови, како што е Ербас А320. Исто така може да опслужи и помали авиони.

Авиопревозници и одредишта

Авиопревозници	Дестинации
Germania	Палма де Мајорка, Тенериге Југ летни сезонски: Анталија, Варна зимски сезонски: Хургада
Germanwings	Келн/Бон, Штутгарт
Lufthansa Regional управуван од Lufthansa CityLine	Минхен
Tailwind Airlines	чартер: Анталија

Најблиски меѓународни аеродроми се Берлин-Тегел (190 км на југ) и Хамбург (200 км на запад).

Пристап

Постојат три автобуси во денот од главната железничка станица во Росток. Растојанието е 25 километри. Во близина се наоѓа автопатот А19 (Росток-Берлин).

Поврзано

• Сообраќај во Германија
• Список на аеродроми во Германија

Надворешни врски

• Официјална страница
• Моментална состојба на времето за ETNL на NWS
• Историја на несреќи за RLG на Aviation Safety Network