Ќерамидница (Дулица)

Ќерамидница — археолошко наоѓалиште во околината на местото Дулица кај градот Македонска Каменица. Претставува црква од старохристијанско време.

Се наоѓа на платото од ридот Калата што се издига на утоката на Каменица во Брегалница. Откриена е со заштитните ископувања во 1968/1969 година. Претставува еднокорабна црква со нартекс, трем и ограден двор од јужната страна, а има траги и од анекс. Од внатрешната страна на апсидата е зачуван синтронос со нагласено седиште на средината. Подот во апсидниот простор е изведен од фин малтер. Меѓу градежниот материјал се најдени тегули и имбрекси сигнирани со букви.

Поврзано

• Бегов Даб — базилика од старохристијанско време
• Градиште — градиште од доцна антика;
• Манастир — населба; црква и некропола од римско време; старохристијанско време;
• Селиште — населба од римското време;
• Ќерамидница — црква од старохристијанско време;
• Црква — црква од старохристијанско време;
• Македонска Каменица;