Јапонска Група
Јапонската Група (грчки: Ὀμάς Ἰαπώνων) — неофицијално име за политичка групација во Грчкиот парламент во 1906–08 година. [1]
Име уреди
Иако групата била создадена во јуни 1906 година по парламентарните избори во таа година, нивното популарно име им го дал новинарот Власис Гавриилидис, во напис во весникот Акрополис на 10/23 февруари 1907 година, каде што ја споредил нивната борбеност со жестокоста што ја покажале јапонските војници за време на неодамнешната руско-јапонска војна.
Членови уреди
Членовите на групата биле:
- Стефанос Драгумис, пратеник за Атикобеотија, од партијата на Харилаос Трикупис.
- Димитриос Гунарис, независен пратеник за Патра, потекнувал од партијата на Георгиос Теотокис.
- Петрос Протопападакис, пратеник за Кикладите, од партијата на Теодорос Дилијанис.
- Хараламбос Возикис, независен пратеник за Кинурија, потекнувал од партиите на Дилијанис и Александрос Зајмис
- Апостолос Александрис, независен пратеник на префектурата Кардица, избран за прв пат во 1906 година.
- Емануил Репулис, пратеник за Ермионида, од партијата на Дилијанис
- Андреас Панајотопулос, пратеник за Ајгиалеја
Постариот Драгумис бил титуларен водач на групата, но вистинската движечка сила бил Гунарис, млад правник, кој бил под влијание на неговите искуства за време на неговите студии во Франција и Германија, особено од бизмарковото социјално законодавство. [2] Протопападакис бил инженер и останал најблизок соработник на Гунарис до крајот на нивната кариера, [2] додека Возикис го постигнал извонредниот подвиг да биде избран во Парламентот на возраст од само 27 години [2]
Групата ја сочинуваале членови од различни партии и политички ориентации. Ова го спречило нивното спојување во посебна политичка партија, но се чини дека самите „Јапонци“ никогаш не се обиделе со таква трансформација, односно отворање на групата да стане вистинска масовна партија. Во тоа главната улога ја одиграл сопствената неподготвеност на Гунарис да излезе во прв план. [2]
Цели уреди
Главната цел на „Јапонците“ била политичката криза во Грција по државниот банкрот од 1893 година, поразот во Грчко-турската војна од 1897 година и наметнувањето на меѓународната финансиска контрола после неа. „Јапонците“ го критикувале политичкиот естаблишмент и бесплодната промена на партиите на власт и предложиле радикални политики за модернизација, како и одржување на антиелитистичка и антикорупциска реторика, со цел да се зачуваат моралните вредности.
Распуштање уреди
Групата била распуштена кога премиерот Георгиос Теотокис им понудил позиции во кабинетот на Гунарис, Протопападакис и Репулис во јуни 1908 година, што првите двајца го прифатиле предлогот. Гунарис положил заклетва како министер за финансии, но на расправата за буџетот бил толку жестоко критикуван од неговите поранешни соработници што поднел оставка. И покрај нејзиниот неуспех, „Јапонската група“ сепак служела како предвесник на политичките реформи, кои дошле по 1909 година и подемот на Елефтериос Венизелос на власт.
Наводи уреди
- ↑ Gallant, Thomas W. (2015-01-21). Edinburgh History of the Greeks, 1768 to 1913 (англиски). Edinburgh University Press. стр. 210. ISBN 978-0-7486-3607-5.
- ↑ 2,0 2,1 2,2 2,3 Llewellyn Smith 1998.
Извори уреди
- Tasos Vournas, Ιστορία της νεότερης και σύγχρονης Ελλάδας, Papadima Editions, Athens 1997, Volume I
- 1-85065-368-2