Скуша

Скуша (науч. Scomber scombrus; меѓународно: „атлантска скуша“) — риба од родот скуша (Scomber) во семејството на скушите (Scombridae) што живее на обете страни од Северниот Атлантски Океан, Средоземното, Црното и Северноледениот Океан.

Скуша
Научна класификација [ у ]
Царство:	Животни
Тип:	Хордови
Класа:	Зракоперки
Ред:	Кострешовидни
Семејство:	Скуши
Род:	Скуша
Вид:	Скуша
Научен назив
Scomber scombrus Linnaeus, 1758

Ги населува отворените студени води и се движи во големи јата близу површината. Презимува во подлабоки води, а напролет доаѓа во поплитко, кога температурата ќе достигне 11–14 °C. Се храни со помали риби и ракчиња.

Машките и женските единки растат со иста стапка и живеат највеќе 20 години, достигнувајќи до 47 см. Полово созреваат на возраст од три години.

Во исхраната

Скуша, свежа

Хранлива вредност на 100 г
Енергија	858 kJ (205 kcal)
Јаглехидрати	0 г
Масти	14 г
Белковини	19 г
Витамини
Витамин А (екв.)	(6 %) 50 μг
Холин	(13 %) 65 мг
Витамин Д	(107 %) 643 МЕ
Минерали
Калциум	(1 %) 12 мг
Железо	(13 %) 1,63 мг
Магнезиум	(21 %) 76 мг
Фосфор	(31 %) 217 мг
Калиум	(7 %) 314 мг
Цинк	(7 %) 0,63 мг
Други состојки
Вода	64 г
Единици μг = микрограми • мг = милиграми МЕ = меѓународни единици
Постотоците се приближно пресметани според препораките за возрасни лица во САД. Извор: База за хранливост — USDA

Скушата е мошне барана риба и се јаде зготвена или свежа како сашими. Има црвено место и силен вкус. Содржи многу големо количество на витамин Б₁₂ и масни киселини омега 3 — речиси двојно повеќе од лососот.

Конзервираната скуша ужива популарност во Скандинавија и Велика Британија. Се продава во доматен сос, во саламура или во масло.

Оваа риба е одличен извор на фосфатидилсерин и содржи 480 мг на секои 100 гр тежина. Во најново време оваа супстанција се истражува како ублажувач на здравствени пореметувања како хиперкинетичко растројство и Алцхајмерова болест.

Наводи

• „Scomber scombrus“. Обединет таксономски информативен систем. Посетено на 18 април 2006. (англиски)
• Фрез, Рене и Поли, Даниел, уред. (2006). "Scomber scombrus" — FishBase. јануари 2006 г.
• Скуша — NOAA FishWatch посет. 11 ноември 2012 г

Надворешни врски

• Рецепти со скуша на разни начини Архивирано на 3 октомври 2013 г. — „Кулинар“ (македонски)
• Ску­ша — вкус­но оруж­је про­тив хо­лес­те­ро­лот Архивирано на 4 март 2016 г., Вест, 12 септември 2011 (македонски)
• „Скуша“ — Енциклопедија на живиот свет
• Стопански риболов и заштита на скушата Архивирано на 26 септември 2008 г. — Институт „Син океан“ (англиски)

Галерија

• 
  Чадена скуша
• 
  Скуша во доматен сос
• 
  Свежа скуша на пазар