Rolls-Royce Phantom (2003)

Погледајте и Rolls-Royce Phantom за други модели со исто име

Ролс-Ројс Фантом Предлошка:Lang-xx — ултралуксузен автомобил од Rolls-Royce, подружница на БМВ, во Велика Британија. Пуштен е во продажба во 2003 г. и е првиот модел на Ролс-Ројс во сопственост на БМВ.

Rolls-Royce Phantom (2003)

Произведувач	Ролс Ројс
Матично претпријатие	БМВ
Производство	2003-present
Склопување	Гудвуд, Западен Сасекс, Англија
Претходник	Ролс-Ројс Силвер Сераф
Класа	голем луксузен автомобил
Вид каросерија	кабриолет (2 врати) седан (4 врати)
Распоред	ППЗВ
Мотор	6,75 Л V12 453 КС (338 kW)
Пренос	ZF 6-брзински автоматски
Меѓуоскино раст.	3571 мм Продолжена верзија: 3820 мм
Должина	5834 мм Продолжена верзија: 6091 мм
Ширина	1989 мм
Висина	1633 мм
Нетоварена тежина	2485 кг
Сродни	Rolls-Royce Phantom Drophead Coupé
Конструктор	Марек Ѓорѓевиќ Ијан Камерон

Особености

Има 6,75 литарски, 48-вентилски, V12 мотор кој дава 453 КС (338 kW) и 720 N·m) момент на сила. Моторот е изведен од постоечкиот V12 мотор на BMW.

Автомобилот е висок 1,63 м, широк 1,99 m и долг 5,83 м, и тежи 2485 кг. Каросеријата е направена од алуминиумски костур, а возилото има забрзување од 100 км/ч за 5.7 сек. Има шестбрзински автоматски менувач и двојнојадечна амортизација.

Во март 2005 g. е претставен Фантом со продолжено оскино растојание на Женевскиот автосаем, кој е за 250 мм подолг од стандардниот.

Од 2007 во производство е кабриолетот Фантом Drophead Coupé.

Дизајн

BMW вложиле многу напори за да го различат од нивните возила. Иако 15% од елементите ова возило ги дели со други BMW возила (како BMW Серија 7), Фантом ги има задржано традиционалните особини на Ролс-Ројс.

Намерата била возилото да не изгледа само како уште еден автомобил од BMW. Кога Мерцедес-Бенц го лансирале нивниот Maybach, тие биле критикувани за произведување на „ултимативен Mercedes“ наместо автомобил од засебна марка. Автомобилот делел многу елементи со и изгледал како поевтиниот седан од S-класата. БМВ од ова извлекле поука, продавајќи го Фантом во посебни салони, додека салонот на Maybach во Лондон истот ака продава и наједноставни модели на Mercedes.

Алуминиумскиот костур се прави во BMW фабрика во Динголфинг, Германија а V12 моторот во Минхен. Крајното склопување, како и сета кожа и дрвенарија, по желбите на секој поединечен купувач се прават во погон во Гудвуд, Западен Сасекс, Англија. Во погонот има само два робота за бојадисување; сѐ друго се прави рачно, во согласност со традицијата на Rolls-Royce.

Новитети

• Наместо обртомер, авцтомобилот има сказалка за резерва на моќ која покажува уште колку од силата на автомобилот му преостанува на возачот.
• Задните врати имаат шарки назад, стил пошто наречен самоубиствени врати, но нарелен 'кочиска врата' од Rolls-Royce. Вратите се затвораат на стисок на копче со помош на хидраулика. Електронски се заклучуваат за да се избегне случајно отворање на вратите додека се вози.
• Задните врати во себе носат чадори кои отскокнуваат од лежиштата. Во лежиштата има пропелери за ладење кои ја острануваат влагата кога чадорите стојат внатре.
• Духот на Екстазата (знакот напред) има механизам за автоматско електронско вовлекување против кражба и за безбедноста на пешаците во случај на несреќа. Истото се вовлекува и однатре на копче.
• Логата 'RR' на раткапните имаат посебни лежишта за да можат секогаш да бидат исправени додека тркалата се вртат.

• 
• 
• 
• 

Продажба

Годишни продажби

Година	Продадено
2003	300
2004	792
2005	796
2006	805
2007	1010
Total	3703

• BMW имаат поставено животна производна граница на 10.000 примероци на Фантом.
• Основната цена е £250,000 во Обединетото Кралство и $340,000 во САД.
• Во јули 2006, Rolls-Royce направиле ограничено издание од 25 автомобили наречено Фантом Блек [1]

Надворешни врски

• Официјален портал (англиски)