„Idi i ne budi ljude“ (македонски: Оди и не ги буди луѓето) е песна од хрватскиот поп бенд Магазин. Издадена е во 1998 година, а се нашла на тринаесеттиот студиски албум на бендот, односно на вториот студиски албум на бендот со Јелена Розга како главна пејачка, насловен Da si ti ja (Да си ти јас). Како и најголемиот број песни на албумот, „Idi i ne budi ljude“ е напишана од страна на хрватскиот музичар и композитор Тончи Хуљиќ и поетесата и текстописец Вјекослава Хуљиќ. За да ја промовира песната, бендот има снимено и музичко видео. Покрај тоа, за време на нејзината соло кариера, Розга ја има изведено песната во живо при настапот на 26 април на Instagram Live за време на концертите одржани во нејзината дневна соба во текот на пандемијата со Ковид-19.[1] Песната се одликува со Медитерански стил и композиција.
- ↑ https://m.youtube.com/watch?si=TP9FUxLxWTHshfDl&v=RKEFs1wJp2E&feature=youtu.be
