Отпорен на смрт

Отпорен на смрт (англиски: Death Proof) е американски филм од 2007 година, режиран од Квентин Тарантино, кој е автор и на сценариото. Во филмот настапуваат Курт Расел, Зои Бел, Розарио Досон, Ванеса Ферлито, Џордан Лед, Сидни Поатје, Трејси Томс, Мери Елизабет Винстид и Роуз Мекгован.

„Отпорен на смрт Death Proof“
Филмскиот плакат за Отпорен на смрт.
Режисер	Квентин Тарантино
Продуцент	Елизабет Авелан Ерика Стајнберг Роберт Родригес Квентин Тарантино
Сценарист	Квентин Тарантино
Главни улоги	Курт Расел Зои Бел Розарио Досон Ванеса Ферлито Џордан Лед Сидни Појтер Трејси Томс Мери Елизабет Винстид Роуз Мекгован Марли Шелтон Марси Хариел
Кинематографија	Квентин Тарантино
Монтажа	Сали Менк
Дистрибутер	Dimension Films The Weinstein Company
Премиера	21 септември, 2007
Времетраење	114 мин.
Земја	САД
Јазик	Англиски

Филмот е посвета на насилните филмски жанрови од 1970-те години. Тој се прикажувал во кината во САД заедно со филмот „Планетата терор“ (Planet Terror)) на Роберт Родригес како втор дел од заедничкиот проект „Грајндхаус“ (Grindhouse), со цел да се копира искуството на гледање на два експлоатациони филмови во една вечер, во т.н. „грајндхаус“ (англиски: grindhouse) кина. Филмовите биле објавени одделно на DVD, додека „Отпорен на смрт“ бил издаден во продажба на 19 септември 2007.

Содржина

Филмот се фокусира околу психопатскиот каскадер Мајк (го игра Расел), кој следи млади жени, ги фотографира, а потоа ги убва во наместени автомобилски несреќи, употребувајќи го својот каскадерски автомобил кој е „отпорен на смрт“. Еднаш, во Остин, Мајк се спријателува со неколку девојки кои излегуваат во еден клуб. По неколку пијачки и заводлив танц со нив, тој поаѓа во својата убиствена акција. Другпат, во Тенеси среќава група девојки кои работат како глумици и каскадерки во филмовите од Б-продукцијата. Гледајќи ги како се забавуваат со својот автомобил, повторно не може да се воздржи од убиствениот нагон...

Поврзано

• Грајндхаус (филм)
• Планета Терор

Надворешни врски

• Официјално мрежно место (англиски)
• Death Proof на Семрежната филмската база на податоци (англиски)
• Death Proof на Rotten Tomatoes. (англиски)
• Рецензија на „Отпорен на смрт“ Архивирано на 17 јануари 2008 г. на Cahiers du cinéma (англиски)