Dani su bez broja
„Dani su bez broja“ (македонски: Деновите се без број) е песна од хрватскиот поп бенд Магазин, од нивниот петнаесетти целокупен и четврт студиски албум со Јелена Розга како главен вокал, насловен S druge strane mjeseca (Од другата страна на месечината). Песната била издадена како сингл од албумот во 2001 година. Придружен пејач во песната е ромско-македонската пејачка Есма Реџепова. Важи за една од најпознатите песни на бендот, а и во соло кариерата на главната пејачка Розга. Песната била промовирана со музичко видео во кое се појавува Реџепова и бендот како ја изведуваат песната во живо. Промоцијата се одвива и преку бројни настапи во живо, како на бендот така и на пејачката при своите подоцнежни солистички концерти. Поради нејзината популарност, песната била преработена од страна на американски хор во 2012 година. Розга исто така снимила преработена акустична верзија од песната за нејзиниот албум Minut Srca Mog.
| „Dani su bez broja“ | ||||
|---|---|---|---|---|
| сингл од Магазин | ||||
| од албумот S druge strane Mjeseca | ||||
| Пуштена | 2002 | |||
| Снимена | 2002 | |||
| Жанр | ||||
| Должина | 4:04 | |||
| Марка | Кроација Рекордс | |||
| Песнописец | ||||
| Продуцент(и) | ||||
| Магазин ― синглова хронологија | ||||
| ||||
| Музичко видео | ||||
| „Dani su bez broja“ (Официјално видео) на YouTube | ||||
Позадина уреди
Песната била снимена во Кроација Рекордс. Музиката била напишана од хрватскиот композитор Тончи Хуљиќ, текстот од неговата жена, поетесата и текстописецот Вјекослава Хуљиќ, во соработка со Добрица Васиќ, а аранжманот од страна на Никша Братош. Се нашла на студискиот албум S druge strane mjeseca (македонски: Од другата страна на месечината) и тоа во две верзии со македонско-ромската пејачка Есма Реџепова. Едната верзија го носи поднасловот „Башален ромален“.
Говорејќи за соработката при едно интервју со македонскиот телевизиски канал Бекстејџ на 13 февруари 2024 година, главната пејачка на бендот во тоа време, Јелена Розга ја опишала соработката со пејачката со многу пофалби: „Таа беше толку прекрасна, беше полна со љубов. Постојано се гушкавме, кога сите би биле како неа, со таква насмевка и љубов, тогаш светот ќе беше поубав“.[1]
Во 2022, песната добива нова преработка, односно, е преработена во акустичен аранжман за акустичниот компилациски албум на Розга насловен Minut srca mog (Минута на моето срце).[2]
Промоција уреди
Со цел да ја промовира песната, групата има снимено музичко видео кое е издадено во 2002 година. На почетокот на видеото, се појавува Реџепова како го пее делот на ромски јазик пред микрофон. Остатокот од видеото ја претставува Розга на сцена, пропратена од бендот во позадина како ја изведува песната, танцувајќи живо. Реџепова повторно се појавува за време на нејзиниот дел во песната и тапка со прстите. Покрај тоа, на сцената се појавува и човек облечен во црвено, којшто лежи на подот. Розга е облечена во тексасно здолниште и кошула во разни бои.[3]
Песната исто така била промовирана преку настапи во живо од групата. Така, во 2002 година, Магазин се појавиле заедно со Есма Реџепова на емисијата City Club 2002 во Пинк телевизија кадешто ја извеле во живо.[4] Во 2012 година, кога Розга веќе била заменета од Андреа Шушњара во групата Магазин, бендот ја извел песната за време на нивното шоу за дочек на Новата Година.[5] На крајот на февруари 2020 година, Розга се појавила на македонското шоу Златна бубамара на популарноста, каде што ги извела песните „Sveto pismo“, „Cirkus", "Ne pijem, ne pušim " и "Dani su bez broja" во микс за време на шоуто.[6] На 19 април 2020, за време на вториот во серијата од седум концерти коишто ги одржала дома за време на Пандемијата на КОВИД-19, Розга извела акустична верзија на „Suze biserne“ придружена од Милан Терзе на гитара. Видеото било првично прикажано на Instagram Live и потоа на Јутјуб.[7] Покрај тоа, ја извела песната и на 25 декември 2020, на Божиќ, за време на седмиот онлајн концерт во живо на Instagram придружена од Милан Терзе и Карло Дотур на гитара.[8] На 18 јануари 2022, Розга се појавила на четиринаесеттата сезона од Ami G show во Белград, каде што дала интервју и ја извела „Dani su bez broja“ покрај други нејзини хит синглови.[9]
Преработки уреди
Во 2012 година, песната била преработена од страна на хор во Америка којшто се викал "Birstol Gurt Lush Choir".[10]
Значајност уреди
Денес, песната важи за еден од најголемите хитови на бендот во нивната историја како и на самата пејачка и е една од најмногу пеените песни за време на нејзините концерти. Исто така, песната е многу распространета низ сите диска и ноќни клубови во пост-југословенските држави. Според новинар за веб-страницата CDM, Есма Реџепова успеала да ја „обои песната со својот несекојдневен глас“.[11]Аудио снимката на песната преземена од албумот а поставена на Јутјуб има повеќе од 22.900.000 прегледи од средината на април, 2024 година.[12]
Во 2019, магазинот CDM ја вклучува песната во списокот насловен „легендарни дуети коишто се слушаат и денес“.[11]
Наводи уреди
- ↑ Spektakularen koncert na Jelena Rozga vo Skopje. Бекстејџ Медија. 13 февруари 2024. https://m.youtube.com/watch?si=eev_4qKn5zf78oYf&v=xJ1a5PXluLI&.
- ↑ „Minut Srca Mog“. Ајтјунс Нов Зеланд. Посетено на 17 април 2024.
- ↑ Magazin & Esma Redzepova - Dani su bez broja (Official Video 2002). Магазин. https://www.youtube.com/watch?si=z63zrW-Ema_gUmpe&v=nClQRFacsMo&.
- ↑ Magazin & Esma Redzepova - Dani su bez broja (City Club '02). Grupa Magazin. 11 јануари 2023. https://www.youtube.com/watch?si=9OBSSZXZotZ_QZiY.&v=6pL6ynuX2w8&.
- ↑ Magazin - Dani su bez broja (Live Split - Docek 2012. godine. Grupa Magazin. 25 јануари 2012. https://m.youtube.com/watch?si=Lzn5ONeGNPCtGxf9&v=nCFe4Mbr-Hg&.
- ↑ Спасовски, Васко (28 февруари 2020). „Златна Бубамара 2020: Сашко Коцев го "избриша" подот со рекет, Aтиџе запеа пред публиката! (Галерија)“. Слободен печат. Посетено на 11 февруари 2024.
- ↑ Jelena Rozga - Live IG mini koncert - 19/04/2020. Официјален канал на Јелена Розга. 19 април 2020. https://www.youtube.com/watch?v=d615pJsGAHI&t=157s&ab_channel=JelenaRozga.
- ↑ Jelena Rozga - Božić kod Jelene - IG live. Jelena Rozga. 25 декември 2020. https://www.youtube.com/watch?v=HOSzPjj58QU&ab_channel=JelenaRozga.
- ↑ Miks pesama uživo - Jelena Rozga, Saša Matić, Angellina. Pink телевизија. 18 јануари 2022. https://www.youtube.com/watch?v=e0Q24eeDBgU&pp=ygUXSmVsZW5hIHJvemdhIGFtaSBnIDIwMjI%3D.
- ↑ Dani su bez broja - Bristol Gurt Lush Choir (Live - Gurt Winter Concert 2012, The Colston Hall). Јутјуб. 28 јули 2019. https://m.youtube.com/watch?v=B-rc_-64H-g&pp=ygUgZGFuaSBzdSBiZXogYnJvamEgdG9uaWthIHJlY29yZHM%3D.
- ↑ 11,0 11,1 „Legendarni dueti koji se i danas slušaju“ [Легендарни дуети кои се слушаат и денес]. CDM. 12 август 2019. Посетено на 17 април 2024.
- ↑ Magazin ft. Esma Redzepova - Dani su bez broja - (Audio 2002) HD. Magazin. 1 ноември 2017 година. https://www.youtube.com/watch?si=pr0bpqID9Y0z7eaz&v=hlluayds-EI&.