„Dalmatinka“ (македонски: Далматинка) е песна од хрватската поп пејачка Јелена Розга од нејзиниот трет соло студиски албум Moderna žena (2016). Песната е издадена како сингл од албумот во 2011 година. Напишана е од Здеслав Клариќ, Владо Мирчета, Слободан Вељковиќ, Бојан Шаламон, Јурај Блажевиќ, Иван Дражиќ и Самир Мујагиќ. Клариќ и Шаламон се продуценти на песната. Како придружен артист на „Dalmatinka“ се јавува хрватската рап група Connect. Со цел да ја промовира песната, Розга ја извела во живо за време на фестивали, а потоа и на нејзините концерти и регионални турнеи. Песната има и свое музичко видео кое ја прикажува пејачката како ја пее песната во Сплит.
Според текстот, во песната се работи за знаменитостите коишто можат да се видат во Сплит и за начинот на љубење во хрватската област Далмација.
