Шехзаде Бајазит (син на Ахмед I)

Шехзаде Бајазит (турски: Şehzade Bayezid; роден во 1612 во Цариград – починал на 27 јули 1635 година во Цариград) — отомански принц, син на султанот Ахмед I и неговата сопруга Махфирузе Хатиџе султан. Тој е брат на отоманскиот султан Осман II.

Шехзаде Бајазит
Роден(а)	1612 Топкапи-сарај, Цариград, Отоманско Царство
Починал(а)	27 јули 1635 Топкапи-сарај, Цариград, Отоманско Царство
Татко	Ахмед I
Мајка	Махфирузе Хатиџе султан
Вероисповед	ислам

Живот

Шехзаде Бајазит е роден во декември 1612 година во Истанбул во семејството на отоманскиот султан Ахмед I и неговата сопруга Махфирузе Хатиџе султан. По смртта на Ахмед I, братот на Бајазид, Осман II, требало да го преземе престолот, а самиот принц, како и неговите браќа, ја очекувало неизбежната судбина - сите требало да бидат погубени според законот на Фатих. Сепак, неколку години порано, Ахмед I го спасил животот на неговиот брат Мустафа по раѓањето на неговите синови. Историчарите веруваат дека Ахмед I го сметал неговиот брат неспособен за да му се закани за неговиот престол со оглед на неговата ментална болест. Друга причина за отстапувањето на Ахмед од правилата било и влијанието на неговата сопруга Косем, која, плашејќи се за животот на нејзините синови, не сакала да го види султанот Осман, чија мајка била Махфирузе, на престолот, плашејќи се за животот на своите синови. Како резултат на тоа, по смртта на таткото на Бајазит, на престолот се искачил неговиот чичко Мустафа.

Владеењето на Мустафа било краткотрајно: во 1618 година се случил пуч и на престолот се качил Осман II. Влијанието на Косем помогнало нејзините синови да не бидат погубени. Четири години подоцна се случил уште еден пуч: Осман бил соборен и убиен. Сепак, Мустафа повторно бил поставен на престолот. Во 1623 година, Мустафа бил соборен по втор пат. Во тоа време, Бајазит заедно со неговиот полубрат Сулејман отсуствувале од Истанбул. Во такви околности, Косем претпочитала да го види единаесетгодишниот син Мурат на престолот.

Во 1635 година, Мурат IV наредил погубување на Сулејман и Бајазит. Двајцата браќа биле погребани во Сината џамија до нивниот татко.