Шамони

општина во Франција

Шамони Мон Блан (француски:Chamonix-Mont-Blanc ), попознат како Шамониопштина во Горна Савоја во Оверњ-Рона-Алпи регионот во југоисточна Франција. Овде се одржале првите Зимски олимписки игри во 1924 година. Во 2017 година во Шамони имало 8.611 жители.

Шамони
Chamôni  (јазик?)
Општина
Долината Шамони со Мон Блан во позадина
Долината Шамони со Мон Блан во позадина
Грб на Шамони
ЗемјаФранција
РегионОверњ-Рона-Алпи
ДепартманГорна Савоја
ОкругБоневил
КантонЛе Мон Блан
Управа
 • Градоначалник (2020–2026) Ерик Фурние
Површина1245,46 км2 (9,477 ми2)
Население (Jan. 2017)28.611
 • Густина0,35/км2 (0,91/ми2)
INSEE/Пошт. бр.74056 / 74400
Надм. висина995 м
(прос. 1035 м)
1 Катастарски податоци, каде не се вбројани езера, бари и ледници > 1 км2 и речни устија. 2 Единечно пребројување: жителите на повеќе општини (на пр. студенти и воени лица) се бројат само еднаш.

Сместен северно од Мон Блан, помеѓу врвовите на Егиј Руж и познатиот Егиј ду Миди, Шамони е еден од најстарите скијачки центри во Франција. Општината Шамони е популарна меѓу скијачите и планинарите.

СтатусУреди

Шамони е четвртата по големина општина во Франција, со површина од 245 квадратни километри. Со население од околу 8.900 жители се наоѓа на 1.089-то место во Франција.[1]

Планински и зимски спортовиУреди

Шамони е туристички центар за зимски спортови. Како највисок европски врв западно од Русија, [2] Мон Блан привлекува многу планинари и алпинисти. Од 2003 година, секој август овде се одржува Ултрамаратонот до Мон Блан (Ultra-Trail du Mont-Blanc).

Има жичница која води до 3842 метри високот врв Егиј ди Миди. Изградена во 1955 година, своевремено била највисоката жичарница на светот, [3] а денес е највисоката вертикална жичарница во светот. [4]

Шамони е поделен на 3 посебни скијачки подрачја (фра: Les Grands Montets, Brévent - Flégère, le domaine de Balme). [5] Покрај Зимските олимписки игри во 1924 година, во Шамони се одржуваат натпревари од ФИС Светскиот куп во алпско скијање и Арлберг-Кандахар. Бил домаќин на ФИС Светското првенство во нордиско скијање (1937) и Светското првенство во биатлон за жени во 1984 и 1988 година.

Светското првенство во хокеј на мраз во 1930 година претежно се одржало во Шамони. Градот бил и домаќин на Европското првенство во карлинг во 1991 и 1999 година.

 
Panorama of the Chamonix Valley

НаводиУреди

  1. Sources des données : INSEEChamonix: Données générales
  2. „Chamonix Resort Information“. Freedom Snowsports. Посетено на 30 July 2018.
  3. „Chamonix, Capitale Mondiale De L'alpinisme“. Summit Post. 6 April 2008. Архивирано од изворникот на 13 April 2015. Посетено на 30 May 2016.
  4. Berne, Laurent (2012). L'aventure du premier téléphérique de France: Chronique du premier téléphérique de l'Aiguille du Midi, dit "des Glaciers", à Chamonix-Mont-Blanc. Éditions des Rochers. ISBN 9782746641556. Посетено на 14 June 2017.
  5. Chamonix ski resort guide

Надворешни врскиУреди