Црква „Св. Преображение“ - Битуше
Свето Преображение (Преображение Христово) — црква во мијачкото село Битуше, Општина Маврово и Ростуше, претставник на Македонската преродба. Му припаѓа на Дебарското архијерејско намесништво во Дебарско-кичевската епархија на МПЦ - ОА.
  Свето Преображение
| |
| македонска православна црква | |
| Епархија | Дебарско-кичевска |
| Архијерејско намесништво | Дебарско |
| Парохија | Дебарско-реканска |
| Местоположба | |
|---|---|
|
| |
| Координати | 41°35′36.14″N 20°33′40.19″E / 41.5933722° СГШ; 20.5611639° ИГД |
| Место | Битуше |
| Општина | Маврово и Ростуше |
| Држава | Македонија |
| Општи податоци | |
| Покровител | Исус Христос |
| Изградба | XIX век |
| Архитектонски опис | |
| Стил | преродбенички |
Црквата е сместена во подножјето на Крчин, над реканските села Битуше и Ростуше, недалеку од границата со Албанија. За неа постои предание дека влезот ѝ е од Албанија, а наосот е во Македонија,[1] но границата е впрочем подалеку, и целата црква е на територијата Македонија.
Изградена е од месниот градител Саре Јаковов.[2] Иконите во храмот се дело на дебарскиот мајстор Саве Поп Божинов од Селце.[3]
Според месна легенда, секоја година на храмовиот празник 18 август нешто огнено и црвено се спушта од кон истоимениот храм „Св. Преображение“ во с. Ербеле, денес од албанска страна.[1]
Поврзано
уредиНаводи
уреди- ↑ 1,0 1,1 „Македонците во Ербеле - Долни Дебар го одбележаа празникот Преображение“. Весник Македониум. 21 август 2013. Посетено на 13 август 2015.
- ↑ „Семејства и лози на градители од Битуше“. Градителите во Македонија: XVIII–XX век. Архивирано од изворникот на 2021-11-13. Посетено на 15 ноември 2021.
- ↑ Василиев, Асен (1965). Български възрожденски майстори: живописци, резбари, строители. София: Наука и изкуство. стр. 262.