Црква „Св. Никола“ - Загориче
Св. Никола — црква во демирхисарското село Загориче, претставник на Македонската преродба. Му припаѓа на Крушевско-демирхисарското архијерејско намесништво во Преспанско-пелагониската епархија на МПЦ - ОА.
  Свети Никола
| |
Општетена надвлезна фреска на Архангел Михаил | |
| македонска православна црква | |
| Епархија | Преспанско-пелагониска |
| Архијерејско намесништво | Крушевско-демирхисарско |
| Парохија | Демирхисарска |
| Местоположба | |
|---|---|
|
| |
| Координати | 41°11′29.2″N 21°11′44.3″E / 41.191444° СГШ; 21.195639° ИГД |
| Место | Загориче |
| Општина | Демир Хисар |
| Држава | Македонија |
| Општи податоци | |
| Покровител | Свети Никола |
| Завршено | 1885 |
| Живопис | 1885 |
| Архитектонски опис | |
| Архит. тип | еднокорабна базилика |
| Стил | преродбенички |
Црквата е гробишен храм, сместен на северниот крај на селото, и служи како заедничка црква со соседното село Утово. Според зографскиот натпис, црквата е живописана во 1885 година од крушевските браќа-мајстори Вангел и Никола Анастасови. На натписот се наведени и имињата на ктиторите, селани од Загориче и Утово. Храмот на многу наврати е пљачкосуван од арнаутски банди. Обновен е во 1934 година, а фреските се реставрирани во 1956 година.[1]
Ова е мала еднокорабна градба со плиток дрвен свод. Покривот е од ќерамиди со дрвени стреи. Над апсидата покривот е од лим. Фасадите се варосани. На северната и јужната страна одвнатре има по три плитки полукружни засводени ниши. На запад има трем со понизок покрив.[2] Влезот е од запад и од југ. Крај храмот (на југозападната страна) има куловидна камбанарија.[1]
Поврзано
уредиНаводи
уреди- ↑ 1,0 1,1 Димитров, Никола В. (2017). Географија на населби - Општина Демир Хисар (PDF). Битола. стр. 46. ISBN 978-608-65616-4-2.
- ↑ Димитров, Никола В. (2017). Географија на населби - Општина Демир Хисар (PDF). Битола. стр. 45. ISBN 978-608-65616-4-2.