Црква „Св. Константин и Елена“ - Миравци

Свети Константин и Елена — главна селска црква во гевгелиското село Миравци. Црквата се наоѓа во горниот дел на селото, недалеку од патот кој води кон селата Петрово и Габрово. Капелата, кујната и трпезаријата се одвоени од црквата и се сместени на влезот на селото, во непосредна близина на селските гробишта.

Местоположба
Свети Константин и Елена

Поглед кон црквата
македонска православна црква
Епархија	Повардарска
Архијерејско намесништво	Гевгелиско
Парохија	Миравска

Координати	41°18′21.8″N 22°25′57.2″E / 41.306056° СГШ; 22.432556° ИГД / 41.306056; 22.432556
Место	Миравци
Општина	Гевгелија
Држава	Македонија
Општи податоци
Покровител	Свети Константин и Елена
Изградба	1860, 1893, 1990
Изгорена	1892, 1989
Архитектонски опис
Архит. тип	трикорабна

Историја

Црквата е изградена во 1860 година.^[1] Во 1892 година, првобитната градба била опожарена, но набргу била обновена во 1893 година. Градител на црквата бил Андон Китанов. Во 1989 година, црквата била повторно опожарена и разурната, со исклучок на надворешните ѕидови кои не биле зафатени. Храмот бил повторно обновен во 1990 година.^[2]

Во периодот од 2009 до 2013 се изградени кујна и купола, кои се одвоени од дворот на црквата и се наоѓаат на влезот од селото, во непосредна близина на селските гробишта. Според натписната плоча поставена на еден од ѕидовите на овие објекти, тие биле изградени со блаослов и донација на Митрополитот Повардарски г. Агатангел, градоначалникот на Општина Гевгелија Иван Франгов, како и со донации од месното население на селото Миравци.

Архитектура

Црква

Градбата на црквата е трикорабна, со тавани и и полукружна олтарна апсида на источниот ѕид. Покривната конструкција е изградена на две води и е потпрена на шест четириаголни столбови во два реда. На јужната и западната страна е изграден нов отворен трем. По второто опожарување на храмот, внатрешните ѕидови не биле заографисани, со исклучок на внатрешната страна на олтарната апсида која делумно е покриена со нови фрески. Иконостасот исто така е изработен по последното обновување на црквата во 1990 година.^[2] Во дворот на црквата се наоѓа и камбанаријата која има осумаголна основа.

Кујна и капела

Градбата на кујната има правоаголна основа, а во нејзино продолжение е сместена градбата на капелата која има квадратна основа и претставува крсто-куполна градба со осумаголна купола која се издига над средишниот дел од нејзиниот кров. Двата објекта се обоени во бела боја и се покриени со ќерамиди.

Галерија

Црква

Влезна врата од дворот на црквата
Влезна врата од црквата
Фреска на Свети Константин и Елена
Апсидата на источната страна на црквата

Кујна и капела

Кујната и капелата
Кујната
Капелата
Внатрешноста на капелата
Натписна плоча на еден од ѕидовите
Поглед на капелата и кујната

Поврзано

Наводи

↑ Lalić, Sredoje (1982). Arhivski fondovi i zbirke u arhivima i arhivskim odeljenjima u SFRJ: . SR Makedonija. Savez društava arhivskih radnika Jugoslavije.
↑ ^2,0 ^2,1 „Цркви во Миравската парохија“. Повардарска епархија.

Надворешни врски

Официјално мрежно место на црквата Архивирано на 1 февруари 2011 г.

[1] Lalić, Sredoje (1982). Arhivski fondovi i zbirke u arhivima i arhivskim odeljenjima u SFRJ: . SR Makedonija. Savez društava arhivskih radnika Jugoslavije.

[цркви-2] 2,0 ^2,1 „Цркви во Миравската парохија“. Повардарска епархија.

[1]

[2]